Sai Jai Thai Store

營業中

休息中

Sai Jai Thai Store (石澳)石澳石澳村784號B地下 難得黎到石澳影相，緊係要試下串燒啦，今日就黎左呢間泰國人開既串燒店 SAI JAI THAI STORE ，佢地有多種肉類同菜幫你燒，就好似；雞腎、豬頸肉、韭菜、雞軟骨、菠蘿、粟米等等⋯⋯粟米係一家要試！燒到金黃之餘仲好香甜！另外就係雞全翼，別有一番風味！如果唔想學我咁就咁食原味，仲可以試下佢秘製既醬汁，包你一試難望！再配埋沙灘既海風，包你chill住咁過一日！

石澳這間串燒店門面充滿泰國風味 放滿不同種類的串燒 讓客人以自助形式領取想吃的種類 再給店員即時燒🍢枱面有3款自家制醬汁 分別係泰式辣醬 沙嗲醬 酸辣醬 個人幾鍾意沙嗲果款 有少少椰香味今次叫左🍽：✨午餐肉 ($20)✨雞肉 ($20)✨雞腎 ($20)✨豬頸肉 ($20)因為即叫即製 食落熱辣辣 更突顯到串燒香 當中豬頸肉最好食 燒得岩岩好 外焦香內嫩 一啲都吾會鞋 至於其他就不過不失 而午餐肉就不推薦 比較咸同吾太似平時食既餐肉味道

去石澳玩都係想chill, 影靚相打卡完就係時候去食d 有風味嘅meal~海邊唔BBQ都食串燒啦！炭燒爐燒，真係好炭燒味！入味有獲氣！🤣🤣 食左雞肉、魷魚、豬肉、菠蘿都唔錯！一路食就越黎越多人排隊，真係好受歡迎，不得不讚係佢個辣醬，必食！好多人都係為佢呢個自家製醬而過黎嘅！個醬係香草辣椒泰式醬，綠綠地個隻，因為店舖老闆係泰國人，真係正宗嘅泰式串燒風味～ 都有成日叫隻泰式辣醬，不過入得黎當然試返D特別野啦！仲見佢邊燒邊開live, 好好笑🤣🤣

夏日熱辣辣～好熱好熱～星期六黎到石澳游水，藍天白雲下食住串燒，吹下海風，曬吓太陽，真係有去到泰國芭堤雅渡假嘅感覺冇得去旅行，係石澳回味下啦串燒 🌟🌟🌟串燒方面叫左牛肉、雞腎、墨魚丸、燒賣、廚師腸，串燒係冇落任何調味，係要點泰國雞醬、泰國酸辣汁先有味，其實都係普普通通，一串都要$20，廚師腸就$10/3串，比較好味係燒賣、廚師腸、雞腎，最最最嬲係串墨魚丸酸酸地，壞左整體方面，係沙灘食都係食風味，味道其次啦

/ 同男朋友去石澳拍拖，我地見到有串燒食，好似幾吸引，男朋友就話「不如買幾串試下」，我即刻雙眼發光咁話「好🤩」(因為真係太鐘意食串燒啦🤤❤️)💬三串(墨魚丸、墨魚、司華力腸)都好好食😋，好出色，串燒真係食極都唔會厭😭🥰，下次如果再黎石澳，都會再encore呢間串燒店👍🏻

🇭🇰Sai Jai Thai Store·我哋嗰日去石澳行完見到好多人喺呢一間度排隊 用炭爐嚟燒好似好legit咁就決定試吓 但係最後有少少失望🤭佢啲嘢食其實好一般 而且佢排隊好亂 你排完隊揀完野食 佢就會一次整曬大家啲串燒 所以大家既order會撈亂晒 所以你係要鬥快去認領自己既串燒 而且佢又好近馬路 好迫🙊🙊·豬肉$20 墨魚丸$20佢啲串燒其實唔係真係用個炭爐黎燒 佢係自己喺入邊廚房整好晒 攞出嚟稍為熱兩熱🤭🤭而且佢係乜嘢嘢都無搽 所以本身係無咩味的 你要自己搽佢擺喺門口嗰啲醬汁🤭同埋我哋嗰串墨魚丸因為佢一次過處理太多 太亂 燒憹咗 之後佢就咁剪走咗就俾咗我哋 呢個觀感真係麻麻🙊🙊·#rbyeat#rby東南亞菜#rby石澳·📍石澳石澳村784號B地下

留喺香港嘅週末，同屋企人嚟到石澳影相搵野食😎可惜靚靚嘅海灘已經被圍封，只可以係石澳村周圍行，五顏六色嘅小屋估唔到又幾好影🤪喺村口落咗巴士🚌行前少少，就會見到哩間好多人幫襯嘅串燒店！一串串大大舊嘅串燒排晒出黎比人揀，已經好吸引眼球🤩尤其係魷魚同雞腎，零舍大粒，同平時食到又瘦又少嘅好唔同🤤價格方面就中規中矩，黎到石澳食野都預左唔會便宜得去邊🤣所以以佢嘅份量來講，算唔錯😎👍🏻泰國姐姐一邊好快手咁燒嘢食，一邊聽住節奏輕快嘅泰文歌，好有假日relax嘅感覺🥳串燒燒得岩岩好唔會乾身，魷魚同肉入面都仲係嫩滑嘅，火喉亦剛好外皮微焦👍🏻😋😋個人黎講最鍾意燒魷魚🦑同雞腎，爽口彈牙😋配搭埋秘製嘅泰式醬汁更加惹味🥴燒雞肉就有少少鞋口，但醃得好入味👍🏻

每次入石澳都必食呢間串燒，直情仲可以當埋正餐，其實佢嘅肉質亦都冇特別好，只係佢嘅醬汁非常惹味，就係泰國嘅酸辣醬。喺石澳可以食到啲咁惹味嘅嘢食，自然令佢非常吸引我哋分別叫咗墨魚丸、龍蝦丸、魷魚、菠蘿、豬頸肉、雞翼等等，醬汁都有三款，有酸辣嗰款、沙律醬、同另一款係辣味重啲嘅醬。不過而家加左價，好似都差唔多15蚊串🦑自己最鍾意食魷魚嗰款，因為啲魷魚會燒到好爽口，但又唔會好韌，而且有時仲會有汁。不過都試過佢煮得唔熟，邊度啲魷魚好粉咁樣，咬唔開。所以魷魚呢款係要睇你時運高唔高啦🐷豬頸肉都好好食，不過都係有時會失手燒到好韌完全咬唔開，而且有時會好大舊。如果佢可以一早剪開細舊啲或者剪到長啲就會方便啲食🍍燒菠蘿就一定唔會失手啦，每次都燒完係好多汁嘅，只係有時佢擺凍左，但又燒得唔夠耐，就會變咗唔夠熱啦其他丸都係正正常常，其實只要點左佢個酸辣汁就已經好正。雞翼或者司華力腸嗰啲只有朋友試過，所以我唔評論啦。另外呢啲街邊串燒嘅衛生問題係難啲去控制嘅，平時都成日見到有烏蠅嬲落佢啲食物度， 介意嘅朋友就唔好食啦平日入石澳嘅朋友就要留意啦，因為佢平日未必開，冬天就更加少機會，而且店主好似唔係住喺港島，想確保有得食就

考完試嘅公眾假期，約了一班同學仔去石澳海灘玩！藍天白雲好好天，游水玩沙後最易肚餓，好在大人多，有義士自告奮勇去買食物餵班馬騮！沙灘邊好多鐵皮店，食物都係香口惹味嘅！呢間主打燒烤串燒，門面簡陋，包裝都係好簡單嘅發泡膠飯盒買咗大路嘅肉類串燒！串燒：雞肉（$15/串）我搶到一串，淋上椰奶花生醬嘅醬汁，雞肉多汁唔乾，醃得入味！熱辣辣好味牛肉（$15/串）脆皮芝士腸（$12）只搶到一串，店員在熱辣辣天氣下燒食物好辛苦！佢哋做野爽手！唔廢話！配合陽光海灘的食物

見今日天氣咁好，又好陽光，決定去石澳海灘曬太陽玩水～去到筲箕灣港鐵站轉9號巴士.....嘩！排隊人龍長到喊😳🤣真係諗過放棄轉去商場行街睇戲😜等左4架巴士最後順利入石澳～曬左陣太陽，玩左陣水有點肚餓，去左買泰國串燒食！呢度有好幾間賣串燒店，但我鍾情呢間！由泰國人主理，開左好多年架啦！最鍾意佢既泰式醬汁 （酸辣 及 沙爹） 今次食左燒墨魚丸、雞中亦 （泰式醃製，好好味）、秘製雞腎～好多人買，要耐心等待😊因為小編太餓，食物太吸引既關係....只醒起影低雞腎🙈🙈

太太慶生的大日子，沒有甚麼舖張浮誇的慶祝節目安排，只是靜靜哋兩大一小走到許多年沒去的石澳，於村內四圍走走閒逛，之後到沙灘旁的泰菜小店食碗粉，再到沙灘hea一下後便驅車出返市區....人越大，心態越想追求平淡的生活。虛浮浮誇揮霍的風格，現在已不是我這老人家的那杯茶....這間看似由泰籍華僑經營的小舖，檯與椅就只得四至五張，有部份更要擺到旁邊的行人路上。當天我們就要坐到店外用膳，不過現在人在石澳，旁邊就是一望無際的海灘，景致環境是悠閒舒適得可以，此時就算坐在街邊與否倒也不是一件大事了....食物說實在沒有太大亮點，正正常常的沒有很大甩漏，小弟的青咖喱雞肉金邊粉，湯頭稍覺偏淡味；雞肉亦有蠻重雪味；不過粉條的熟度倒是控制頗得宜，咬進口煙韌帶微微彈牙。當沾滿咖喱汁時吃，光只食這個就覺已不俗....無論去任何有麵吃的地方，小友都會選拉麵作底。自己對之完全沒興趣，只挑了舖在面頭的扎肉及肥牛肉。兩者都是屬尋常不過的水平，特別是後者，味尤如在灼熟的白烚肉一般，淡到離奇極度無癮....今天的主角反而對這店的串燒很有興趣，於是乎吃完碗粉後又跑到隔鄰去買一整盒走，然後拿到沙灘裡邊吹著海風邊嘆串燒，真是至高無上

覓食鬼又上身👻，本來想入大澳試間地中海餐廳，點知比陣燒烤味吸引左，於是改變主意（女人是善變的😂），食泰菜叫左兩隻雞全翼，一份魷魚，燒得岩好另外叫左碗魚蛋金邊粉（東陰公湯底）個湯底好正，唔太酸，有微辣，比例岩岩好！不過魚蛋就一般

太陽與海灘吖 游完水就緊係想食野填下肚食得簡單啲. 想食幾多就幾多朋友話食開有間串燒一去到就見有幾個人圍住個燒烤爐而燒緊野食嘅竟然著住叉泳衣嘅? 原來老闆娘太忙, 變左大家會幫手燒我地都揀番D啲雞翼, 腸仔(3/$10), 墨丸..魚蛋, 雞腎, 雞肉, 牛肉仲有最後一碟生蝦刺生 (可前一日訂)買齊晒番沙灘對住個海食 食左生蝦刺生先 ($100)隻隻蝦都大大隻, 好爽好彈 加埋個泰汁, 辣得好過癮 仲要伴碟伴得咁靚, 又有菠蘿食 (隨機)串燒大大粒墨丸(彈牙), 雞中翼, 腸仔..都係配個泰汁, 好好味啊 石澳, 誠意推介 。

去食豬扒飯前經過呢間Sai Jai Thai Store，聞到好香燒肉味，食完豬扒飯再經過忍唔到買咗一串牛肉、一串鷄肉及一串芝士腸，每串$12，除芝士腸外，其實大部分串燒已經係半製成品，已燒熟了一半，只是放上炭爐上再燒，值得一讚是，店員忘記將芝士腸反轉而燒到有幾條燶咗，佢即刻攞過串新再燒過，雖然最後燒嗰串都少少燶，但已經記在我心目中！牛肉串燒，肉質算嫩，有肉汁不會太乾，份量不少；鷄肉串燒，肉質少鞋，幸肉汁夠味，已算合格；芝士腸，有一條少燶，有些已燒到爆開，夠香口，味道不過不失，不過店員誠意已經搭夠。

石澳趴趴走，於沙灘上留下足印，準備搭車離開。見有一檔炭燒串燒檔，嘴饞下，禁不往光顧了。小店由泰籍店員主理，左手邊放有一玻璃食物櫃，放有各式各樣的串燒，如雞翼，粟米，燒賣，肉串，墨魚丸，腸仔等；中間放有綠紅白三款自家調製的醬汁，另一邊有個長方形的炭火爐。店後的一大片空間，放置了一大個飲品櫃，最盡頭處，只見另一阿姐在忙這忙那，食物隨處擺放，衛生不算太好。極速搜尋下，店內好像沒有餐牌或價目表似的。我們也沒有多想，要了一串燒賣，一串墨魚丸，以及一枝粟米。阿姐逐一放在炭火爐上燒。燒燒賣一串六粒，經炭火燒烤後，表皮帶焦黑，燒賣入口較乾身，且帶有燒焦味兒，幸具咬口。若嫌味寡，可加上最右手邊泰式自家調製的醬汁，更添清香味兒。燒墨魚丸一串四粒，咬下爽彈具墨魚鮮味，且有少許墨魚碎混雜其中，口感蠻佳，絕非一團團軟腍且無鮮味的麵粉。阿姐表示，乃選用了優質墨魚丸也。Cc的燒粟米粒粒鮮甜多汁味美，且帶有陣陣的炭火香，煞是美味。燒粟米，無疑是三者中，最為出色的。