牛極 (庇利金街) (已結業)

石燒牛扒係香港開咗好一段日子， 都未有機會試下。 今日要嚟佐敦買嘢， 途中見到 牛極 石燒牛扒專門店， 一於入去試下。門外 poster 介紹了 ， 有幾款唔同嘅牛 ，美國西冷、牛肋骨排、牛肩肉眼、新西蘭牛柳及日本和牛。店鋪係全自助形式，先買票再入座，費用包括任食沙律、白飯及餐湯。我揀咗款幾抵食嘅牛柳， 200克110蚊。廚師只會將牛肉烤至一成熟，然後就會放到已經預熱的火山石給客人，想吃幾熟，自己話事😚😚😚 牛肉質地都算唔錯， 店員好殷勤， 提醒我唔好煎得太熟。另外佢哋提供咗唔同嘅醬汁，畀客人點牛扒， 韓式辣醬 好好味， 香香辣辣。 日式燒汁， 可以提升牛肉整體嘅味道。