Cyprium Cafe

營業中

休息中

🐟香蒜鯷魚菠菜意粉：鯷魚係咸香食品，所以唔使好多已經吊到成個意粉嘅咸味，有啲乾身，似豆豉鯪魚質感，咁講成件事low左😆，不過係西式菜中鯷魚通常都係罐頭食品，意粉有al dente口感，整體感覺不錯。🐷板燒無骨豬扒：豬扒鬆軟唔靭，應該無用梳打粉之類嘅野醃過，燒汁唔太咸，飯對女士嚟講夠食，但男士略少。🥣個湯就一般茶餐廳水準，見到一粒粒嘅蔬菜，當啲意粉都唔錯時，會期望用機打過嘅蔬菜整出嚟嘅白湯，而唔係口感咁粉嘅白湯。🍰個蛋糕一見到已經覺得麻麻，食落個蛋糕底都算鬆軟，不過就冇乜芝士味，又或者係放太耐，放到暖左唔好食囉，其實可以後上。☕Dirty：最期待杯咖啡，奶夠香濃，唔會一嚟到啲咖啡就沉底，不錯。鐘意Dirty因為冇冰，唔太凍，又可一解想飲微冷之愁。