大師傅粥品 (京瑞廣場1期)

營業中

休息中

開到周圍都係嘅大師傅粥品，而家石門都有啦！同屋企人買完嘢緊係食飽飽先返屋企啦！除咗粥品選擇多，腸粉、小食周油器價錢都好相宜㗎！➜鮮皖魚腩粥＋咸蛋半隻豬太郎好耐無食到魚肉份量咁多嘅魚肉，鮮皖魚腩爽脆清甜，魚刺粗身好易揀出嚟，加埋半隻咸蛋嘅咸香味，成碗粥啖啖滿足！.➜皮蛋瘦肉粥唔好見到粥面得蔥花，一匙撈起，皮蛋同瘦肉份量都好多！味道清清地，同爸爸媽媽嚟食就Fit晒 ！.➜煎堆見到格離嗌煎堆，豬太郎都忍唔住叫返碟，芝麻香氣加埋軟糯嘅口感，令人食唔停口！.➜叉燒腸粉叉燒勁足料，唔會淨係得中間有餡料，鼓油都唔會落得太多，好剛好！.➜炸兩腸粉（細）嗌細份都覺得好多嘅炸兩腸粉！爽滑嘅腸粉皮包住嘅香脆嘅油炸鬼，咬落去都仲係脆口，唔會成口油。.#msmessypig_Food