吹水館 (已結業)

好耐無黎Chit Chat食飯, 行完街諗住黎享受下晚餐..結果激到爆炸！！！以後唔會再黎！浪費時間金錢同個胃！第一D湯稀到誇張。。羅宋湯超級稀，waiter原因話："因為我地D湯唔係用牛肉煲" 但係同水係無分別，連最基本的番茄油或者茄蓉都無，所為的忌廉湯，真係好差，金寶湯都好飲過佢！起碼有味！第二，點餐的時後，waiter話我地個龍利柳好"popular"，我即管試下，結果條魚等於係街市買完煎，再比你食無分別，零美感，零口感，零好感。第三，紐西蘭牛扒，外表唔錯，以為有驚喜，點知D肉無味，個汁亦都唔好食。超給失敗之作！後面有台東個人食飯，嘈到我以為自己食緊大牌檔！埋單諗住反映下，同經理講，條魚好差，好腥，無味經理話吓？係呀？連一句唔好意思或者對唔住我地會改進都無講，原來而家香港D餐廳服務係可以咁差！！！令人髮指！請都唔會再黎食。第一遍openrice的post 就送比你chit chat oyster and grill 吹水館！