潮州邨 (已結業)

昨晚約了幾個朋友食晚飯，見上次食過這裏的鵝肝幾好食，食評又唔錯，就選擇了這裏。可能早到，去到時沒有其他客人，侍應不停說凍蟹好食、大眼雞又好、馬友更好等，因我們唔打算叫那些食物，所以沒有回應他，正常醒目的侍應應該立刻改口，介紹其它有特色的食物，但他真係....最後我們看完餐牌後，叫了欖菜肉碎四季豆、潮州水瓜烙、潮州炒魚麵、鹵水三寶、地魚蠔仔肉碎泡粥和鮮魷肉碎泡粥。最可惡的是，侍應見我們沒有叫他介紹的食物，黑口黑面的行開，這樣的服務態度真係唔要得！唔好話我睹氣，就算我心裡明明想叫，但看到他的態度，我就一定唔會叫。欖菜肉碎四季豆- 第一味上的菜，雖然炒得唔夠乾身，但就幾入味、幾香，送飯都幾開胃。潮州水瓜烙- 完全無味的一度菜，水瓜煎得幾腍，沒有蛋香，要加醬汁才有點味，難食。潮州炒魚麵- 炒得有點過火，一陣味，魚麵都無魚肉味，只得爽口，唔多得。鹵水三寶(鵝肝，鵝腸，鵝片) - 最好味的還是鵝肝，入口即溶，又沒有怪味；鵝片肉質美味多汁，又唔會韌，好食；鵝腸就一般了點，只得爽口的感覺。豆腐上次食都幾好味的，唔知點解，今次有點怪味，唔得。地魚蠔仔肉碎泡粥- 大地魚幾香口，蠔仔大大粒，但就完全沒有蠔味