碗碗香 (已結業)

今日同幾個朋友去開銅纙灣, 四圍都係人, 又唔想食譚仔, 有人提意去食麻辣粉面~ 但係譚仔同南記都食到悶悶地, 我突然醒起係加路連山有一間叫碗碗香食貴州粉面既 都開咗成年都未試過~ 咁就去試下佢啦~ 星期六下午4點~ ~ 去到碗碗香, 都幾FULL~ 8-9成入座, 好好彩我地啱啱4個人有位~ 實在係太好了~ 坐底見睇下個餐牌~ 唔算太貴, 價錢化算的.有一個幾後生好爽朗既女仔招呼同介紹我地食物, 我話佢係老闆娘, 年紀好細~ 好nice, 佢推介咗我地食一個紅燒牛肉面, 一個貴州冷面, 都飲佢地貴州土特產苦丁茶.紅燒牛肉面---湯底好濃既骨味, (乜野骨就飲唔出啦~ 總之好味啦) 牛肉好厚, 炆得好林, 個面應該似米線, 但係好粗, 好滑~ 成碗面好好食~貴州冷面---我都係第一次食, 冷面但係酸辣的, 有陳醋既香味, 同少少麻辣, 好醒胃, 值的一試,最後要講下佢個苦丁茶, 一定要試凍的~ 好解辣, 好解口渴, 苦完有回甘~ 碗碗香值得推介~