漁獲浜燒 (已結業)

間餐廳環境好好 ，服務亦都一流，我哋兩個人去食竟然畀張四人枱我哋， 想擺嘢食真係幾方便 。我哋健康啲 ，所以叫咗個椰菜沙律先。之後就叫咗呢度一定要叫嘅二人浜燒盛合， 包咗好多款海鮮， 包括魷魚 ，海蝦 ，超大隻蠔，北寄貝，貴妃貝， 全部都好新鮮。 魷魚上面仲加咗啲鹽喺度，配咩都好好食，而北寄貝同貴妃貝加埋啲清酒嚟食真係好清香，好好味 。我哋仲叫咗個味噌蟹甲羅燒 ，配埋多士 一啲都唔膩，啖啖蟹香，撈埋咗鵪鶉蛋一齊，充滿口感，配埋好脆嘅多士，真係大滿足呀。 另外個池魚刺身都好新鮮， 無論係配柚子醋定係就咁食都可以食到佢嘅鮮味 ，佢啲魚骨會攞嚟炸，撈埋檸檬汁特別好味！