美心香港地 (已結業)

今日下午我們喺上水附近做完嘢之後去咗上水廣場搵吓有咩好食之餘仲要係快嘅，因之後仲要趕時間去做嘢，所以我們就揀咗「美心香港地」食個下午茶！我們叫咗濃蕃茄和牛肉通粉配日本農場炒滑蛋·牛奶厚多士同龍蝦湯叉燒意粉配日本農場炒滑蛋·牛奶厚多士嘅蕃茄濃湯唔係好濃郁，而且比較稀，但味道都算鮮味，而牛肉嘅肉質就比較硬實，唔係好鬆軟，至於通粉都幾煙韌彈牙！至於龍蝦湯嘅味道相當腥，叉燒嘅肉質亦都係又乾又硬，一啲都唔鬆化，意粉嘅麵質就不過不失！喺咁多樣嘢食入面唯一一樣係我們覺得最欣賞嘅係日本農場炒滑蛋，因炒得非常嫩滑，而且蛋味亦好香濃，牛奶厚多士亦烘得好酥脆鬆化！