影片
更多
2009-05-11
25 瀏覽
星期五晚飯同老公2人又黎泉章居, 點知居然7點鐘都唔洗排隊就直入. 以前重來都未試過咁好彩既, 唔知係唔係關經濟差事, 又或者係銅鑼灣廣場都開左其他新地方. 今晚我地又係叫左2人餐$158, 包2餸+1湯, 如改要冬瓜盅需另加$30, 我地叫左個鹽焗雞, 翡翠炒班球, 冬瓜盅, 1碗白飯, 再每人送綠豆沙. 最後埋單連加一$230, 約$115一個人, 真係物超所值. 個鹽焗雞係哩度既招牌貨, 見枱枱都叫一隻就知好野黎, 拎黎果時都幾多下, 兩個人要好努力先食得晒. 雞皮爽滑, 雞肉好滑好嫰好香, 淡淡肉又無乜肥糕, 好耐都未食過咁好味既雞lu, 另隨雞附上碟沙薑汁都好正, 好野味.開頭以為個翡翠炒班球實係菜多過班球, 點知一拎黎, 嚇左我地一跳, 首先班球真係腩位黎, 而且仲要班球多過西蘭花好多喎, 放到成座山咁高. 班球好肥美, 炒得又爽口彈牙, 唔會死死實實咁, 又無骨"痴"住, 淡淡肉, 就算細路仔都岩食. 西蘭花焯得剛剛好, 唔會太淋或太硬, d雞湯入晒落d菜度, 好好味. 至於個冬瓜盅要另加$30, 反而又普普通通, 首先裡面d料唔夠多, 只有少量香花, 冬菇粒,
個鹽焗雞係哩度既招牌貨, 見枱枱都叫一隻就知好野黎, 拎黎果時都幾多下, 兩個人要好努力先食得晒. 雞皮爽滑, 雞肉好滑好嫰好香, 淡淡肉又無乜肥糕, 好耐都未食過咁好味既雞lu, 另隨雞附上碟沙薑汁都好正, 好野味.
開頭以為個翡翠炒班球實係菜多過班球, 點知一拎黎, 嚇左我地一跳, 首先班球真係腩位黎, 而且仲要班球多過西蘭花好多喎, 放到成座山咁高. 班球好肥美, 炒得又爽口彈牙, 唔會死死實實咁, 又無骨"痴"住, 淡淡肉, 就算細路仔都岩食. 西蘭花焯得剛剛好, 唔會太淋或太硬, d雞湯入晒落d菜度, 好好味.
至於個冬瓜盅要另加$30, 反而又普普通通, 首先裡面d料唔夠多, 只有少量香花, 冬菇粒, 肉粒, 反而就蓮子多多, 所以個湯唔係好夠味, 好似飲緊豉油湯咁. 其次係個冬瓜盅賣相好差, 上枱果時, 好清楚見到佢盆邊有好多條七彩毛巾及一舊大薑頂住個盅, 想話影張靚相都唔得. 不過勝在冬瓜size好大下, 瓜肉勁多, 我同老公勁"畢"d瓜肉黎食, 嘿嘿.
飯後送綠豆沙2碗. 不過味淡如水, 更加不要奢求係起沙的綠豆沙了.
張貼
