神座日本料理 (已結業)

堅尼地城有間唔起眼嘅日式餐廳，就係響正地鐵站對面，原來晚市都有定食，每次經過都見幾多客人，親身試過之後都覺得水準唔錯，下次堂食又多一個選擇。🥢塩燒油甘魚骹 (2件) $138⭐️⭐️⭐️⭐️魚骹size細咗少少，但都有好多肉好滑溜，完全無雪味，魚皮燒得乾身香脆，不錯。🥢刺身定食 $138⭐️⭐️⭐️有6款刺身，有三文魚、赤身、油甘魚、帶子、甜蝦同八爪魚，款款食落都好新鮮，不過略嫌飯係熱飯。🥢燒銀鱈魚定食 $148⭐️⭐️⭐️⭐️呢個真係有驚喜，估唔到件銀鱈魚咁大件咁厚身，魚肉滑溜油脂豐富，個皮仲好惹美超好味，下次我要encore呢個銀鱈魚。二人共消費：$466