影片
更多
2022-09-06
1036 瀏覽
每次行經水坑口街，我都好奇究竟半空中間條橋係通去邊度🤔。最近我終於忍唔住搭𨋢上去探索一下，仲畀我發現咗嗰度有間好Chill嘅餐廳「NACASA Café & Bar」。Cafe裝修好靚，樓高兩層，每個角落都好適合打卡📸。四周圍嘅特色擺設以及圖案設計，均參考自土耳其同摩洛哥一帶嘅風格，民族色彩強烈💐，喺香港好少見，真係有啲似去咗旅行。餐廳主打西式食物🍽，例如有全日早餐、沙律、漢堡包、意粉同小食等，主菜平均百幾蚊一份，屬中等水平啦。如果唔食嘢，都可以齋嚟飲杯嘢，飲酒唔飲酒🍷☕️，任君選擇。留意返，週末需收取加一服務費。我哋嚟食晚餐，所以嗌咗兩份主食，估唔到食物出品都幾有水準，絕對唔係淨係得個樣嘅打卡Cafe😋。澳洲安格斯牛肉漢堡配薯條($138)，Burger有驚喜🍔，佢唔係好大個，不過勝在夠挺身，而且每一樣食材都處理得好好。麵包本身好味道，無被醬汁整濕之餘，並帶有牛油香。🥩手打漢堡扒唔算好厚，不過口感一流，非常有彈性，而且牛味亦都濃郁。其他餡料包括芝士、蕃茄同生菜，呈現出經典滋味。漢堡包嘅伴菜同時有沙律同薯條🍟，夠晒飽。題外話，值得一讚嘅地方係包住漢堡包張紙有層膠質，所以唔怕食到漏汁。明太
每次行經水坑口街，我都好奇究竟半空中間條橋係通去邊度🤔。最近我終於忍唔住搭𨋢上去探索一下，仲畀我發現咗嗰度有間好Chill嘅餐廳「NACASA Café & Bar」。
Cafe裝修好靚，樓高兩層，每個角落都好適合打卡📸。四周圍嘅特色擺設以及圖案設計，均參考自土耳其同摩洛哥一帶嘅風格，民族色彩強烈💐，喺香港好少見，真係有啲似去咗旅行。
餐廳主打西式食物🍽，例如有全日早餐、沙律、漢堡包、意粉同小食等，主菜平均百幾蚊一份，屬中等水平啦。如果唔食嘢，都可以齋嚟飲杯嘢，飲酒唔飲酒🍷☕️，任君選擇。留意返，週末需收取加一服務費。
我哋嚟食晚餐，所以嗌咗兩份主食，估唔到食物出品都幾有水準，絕對唔係淨係得個樣嘅打卡Cafe😋。
澳洲安格斯牛肉漢堡配薯條
$138
21 瀏覽
0 讚好
0 留言
澳洲安格斯牛肉漢堡配薯條($138)，Burger有驚喜🍔，佢唔係好大個，不過勝在夠挺身，而且每一樣食材都處理得好好。麵包本身好味道，無被醬汁整濕之餘，並帶有牛油香。🥩手打漢堡扒唔算好厚，不過口感一流，非常有彈性，而且牛味亦都濃郁。其他餡料包括芝士、蕃茄同生菜，呈現出經典滋味。漢堡包嘅伴菜同時有沙律同薯條🍟，夠晒飽。題外話，值得一讚嘅地方係包住漢堡包張紙有層膠質，所以唔怕食到漏汁。
明太子忌廉汁魷魚意大利粉
$138
12 瀏覽
0 讚好
0 留言
Queen of Punch
$68
11 瀏覽
0 讚好
0 留言
Earl Grey Dark Chocolate($60)，朋友夜晚唔想飲咖啡，所以嗌咗熱朱古力🍫。熱飲拉花好靚，而且仲加咗棉花糖同花瓣作點綴。朱古力味濃厚，冇死甜，但伯爵茶味就不如想像中突出。
總括嚟講，呢間Cafe各方面都令人滿意👍，而且店員們服務態度好好，親切有禮。唯一比較可惜嘅地方就係餐廳收得偏早，唯有下次早啲嚟。最後，由於呢度環境真係好正，讓人置身於神秘國度一樣，所以特意分享多啲圖片😊。
張貼
