Lab Made 分子雪糕專門店 (已結業)

飯後甜品, 經過見到好爆滿, 好多人等待雪糕. 友人想去睇下有咩款式, 今期口味有芒果椰汁糯米飯, 香蕉腰果配焦糖  , 薄荷baileys 朱古力脆脆 , 士多啤梨牛油酥餅.我地揀左芒果椰汁糯米飯 . 付款後有號碼飛仔, 等到顯示號碼時, 就可以取雪糕.神秘的煙霧分子雪糕, 製作時噴哂煙, 原來利用液態氮來製雪糕, 原理是液態氮能在20至30秒內迅速阻礙水分子聚合成大冰粒, 所以做出來的雪糕更幼滑, 不過比傳統雪糕溶得快, 所以大家食快d啦. 雖然好快製成雪糕, 但繁忙時間太多人, 所以需時耐一點. 感覺很新期好玩.講返杯期待既雪糕先, 一杯有2球左右的分量, 芒果汁分量較少, 如果多點就更能食出芒果味. 雪糕有好重的椰奶香味, 夾雜細細的軟淋糯米, 增加咬口. 整體食落就是芒果椰汁糯米飯既感覺. 令人懷念泰國既美食. 不過這口味近港式, 泰國食到的椰汁醬都有點點咸味, 可以帶出芒果椰汁既甜味. 所以如果佢加點咸味入雪糕, 就完美. 就像海鹽焦糖味又咸又甜.