Pause It

營業中

休息中

平日嘅lunch見到好受歡迎，呢日放工經過見到有位，就忍唔住要試吓！因為聽講呢間嘅拉花好靚，所以我都要嚟打下卡。🍴 伯爵茶鮮奶咖啡 ($42) + 焙茶拿鐵 ($42) ⭐️⭐️⭐️⭐️⭐️咖啡一擺低我哋都嘩咗聲！拉花好靚好得意！係企鵝仔同海馬😍 有賣相之餘仲好好飲，店員仲同我哋講佢哋原來有開咖啡拉花班，有興趣不妨去學吓！🍴 黑椒牛肉多士配薯條($84) ⭐️⭐️⭐️⭐️賣相好吸引，牛肉好大塊而且太陽蛋煎得好靚，呢個配搭加埋火箭菜好夾，份量仲要好多，可encore!🍴 鹹蛋黃單骨雞翼 ($68) ⭐️⭐️⭐️⭐️賣相幾靚，炸得唔會好厚粉，肉味帶少少鹹香，唔會太油膩，加上配埋少少沙律，食完都冇咁熱氣。🍴 虎蝦青醬螺絲粉 ($98) ⭐️⭐️⭐️得一隻虎蝦，仲要唔係好大隻，個人就覺得唔抵食，味道也只係不過不失。.............................. Pause It 地址📍:北角炮台山電氣道183號友邦廣場地下18號舖總評分: 8/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️