神豚 (已易手) 新餐廳

好耐無食拉麵，是晚天氣涼返啲，就黎整返碗。點了濃厚豬骨拉麵 （$95），店員提示話佢地啲湯真係好濃的，要不要稀釋一下，拉麵配濃湯啱我口味，就要原來的好了。麵附上半隻溏心蛋，流心蛋黃帶著濃郁的蛋味，好味。叉燒有三片，有兩種不同部位的，入口肥美即化，正。這種更肥，一大片肥膏，食得好滿足呀。選了黃色的波紋麵，很彈牙，但美中不足有鹼水味。靈魂湯底，真係超級濃，好傑身呀，完全黏住口唇，每一口都係豬骨味，勁。只飲了一半的湯已經勁飽，雖然咁濃味，又唔係好口喝喎。