龍城冰室

營業中

休息中

新開時排晒長龍，突然人影都冇就入去試下啦。果然係伏。6個人叫6個餐。樣樣都有驚喜。蜜糖芥末雞扒來到是洋蔥汁，德國腸泥到係廚師腸，還有一個朋友叫左個咩炒飯，食食下先知唔係叫呢個飯。笑死。問個阿姐，阿姐話賣晒轉左。真係西利，賣晒轉左就唔洗同人講，比個驚喜你咁話。再問個汁同埋條腸，阿姐即閃。我地就只好拍掌讚阿姐勁。大家都明白點解冇晒人。最後飲品更厲害，全部都少甜走甜都變超甜，再大叫阿姐啦，阿姐醒呀，幾大聲都聽唔到。有個阿姐好彩呀，經過更係捉住佢啦。佢就話甜好呀，甜先好飲呀，想冇咁甜又可以自己去加水調教，自助水機唔洗加錢呀。仲大杯啲。我都好想調教你呀。