龍城冰室

營業中

休息中

係尖沙咀做野好幾年，坦白講，龍城既價錢一直都唔算太平，每一餐係中上價錢，但係一直有幫襯，仲幫襯過好多次，包括早餐、午餐、晚餐。原因係出品一直唔錯，坐得亦舒服，但經過今次既經驗，決定以後唔會再幫襯，亦會叫埋身邊所有同事、附近舖既人唔再幫襯！其實最近有聽到附近舖既人講龍城晚市員工態度好有問題，佢地都決定唔再幫襯寧願去附近排長龍冰室，話人地態度好好多，所以12月8日，夜晚7：30左右同同事放左工，諗住一齊去試下，我地都好奇怪，以前明明生意好好，係要等位，但個日居然只有3分1既客，大量空枱，然後一枱遊客都無，我地入到去，無員工理我地，我地自己搵枱無問題，然後因為有問題想問，發現2個金髮職員十分離譜，首先叫左第一個職員，當時佢居然一直公然攞住電話不斷講同聽語音whatsapp，叫到佢既時候，佢皺曬眉好唔情願咁行埋黎，解答完之後突登走到好遠，係角落位置繼續whatsapp，然後有朋友問一個茶記最基本既問題，想問咖喱牛腩飯可唔可以轉意粉，有另一個金髮職員行過，於是大家好有禮貌咁叫“唔該”，個金髮職員居然賴到行都唔願行，然後好無禮貌咁大叫：掃code落單架！我地嬲到直接叫：有野想問！佢就惡神惡殺咁行埋

今日嚟尖沙咀做facial，因為夜晚要上堂所以唯有五點零左右搵少少野食醫下個肚先，經過依間冰室見到入邊有好多選擇，又有下午茶揀，決定入去試吓！喺冰室嚟講入邊都坐得幾闊落幾舒服，而且有卡位坐~scan qr code就可以落單，個系統勁多野食揀，搞到唔知食咩好，最後我揀咗招牌古早鹽焗雞飯，花生醬西多同埋檸檬可樂☺️首先講佢哋嘅招牌古早鹽焗雞飯！一上枱已經聞到雞香，雞肉嘅份量好多，而且雞肉亦都唔會話過分烹煮，令到肉質難咬，鹽味滲透入肉，基本上都唔需要再點薑蓉！跟餐送嘅例湯係佢哋嘅老火湯，雖然唔知係咩湯，但係入邊嘅材料亦都煲到超腍，雞腳基本上亦都皮肉分離，感覺係煲咗好耐嘅老火湯講完主食，一定要推介佢哋嘅特厚花生醬西多！真係厚到我擔心自己食唔晒，新鮮出嚟嘅西多士真係唔一樣，加上邪惡嘅牛油同埋糖漿，我切開已經見到中間嘅花生醬流緊出嚟，真係邪惡！另外比較貼心嘅位置係佢哋嘅糖漿係分開俾你嘅，所以你可以按照自己嘅需要去睇吓落幾多。最後講返杯無糖凍檸樂，唔係間間餐廳都可以揀無糖可樂，所以覺得都幾貼心，加上食完西多士再配返無糖可樂真係透心涼！價錢方面都幾親民，喺尖沙咀食咁多嘢買單都係百零蚊～

今日要係尖沙咀工作，行來行去全日冇食過野，終於傍晚5點幾收工可以坐低食我嘅早午晚餐想休息唔再用腦，選擇大大間光猛乾淨的冰室實冇錯，貪佢又近又方便，食物選擇又多，最快捷當然係叫是日晚餐，但又心大心細好想試其他野，終於揀左鐵板牛扒餐！細個果時，有咩大時大節，老豆就會帶成家人落樓下茶餐廳食鐵板扒餐，諗起都開心😃原來長大左已經好耐冇咁樣食今日工作咁疲累，我諗我都值得好好地嘆番個豐富扒餐嘅！就選擇招牌鐵板西冷牛扒配蒜蓉汁啦！手機掃QR code落單好方便，牛扒可以選不同熟成度，本人喜歡全熟的，所以選7成熟，來到再鐵板煎一煎就剛剛好了👍🏻鐵板扒餐最興奮莫過於倒醬汁果下，聽到滋滋聲就更加餓！滋左一陣，切開塊牛扒，又估唔到真係剛剛好熟晒，咬落好軟熟，一d都唔柴，啖啖肉好爽，配蒜蓉汁好香，醬汁都幾重口味，配食肉就啱晒！成盤仲有蔬菜、焗薯好滿足👍🏻跟餐其實仲有一碗湯、一塊多士、一杯餐飲。想講熱奶茶有驚喜，果然用黑白淡奶沖係滑d,而且茶味和奶味都平衡，唔洗加糖飲最正！平平地据左個咁豐嘅扒，性價比幾高！有機會再來試其他野食👍🏻

今日行經尖沙咀龍城，食左個下午茶。😋服務員既態度親切友善，地方又光猛。😍叫左一個主食，一杯飲品。😬😬1.招牌微辣肥牛拼鮮蝦配白飯❤️分量十足！肥牛唔會太肥，調味適中，送飯一流！鮮蝦都係爽口既。👍🏻👍🏻白飯好大碗。🤣🤣2.紅豆冰❤️好大杯！喜出望外！！紅豆分量多，又大粒！😋😋😋鐘意紅豆既朋友一定唔可以錯過！！性價比極高！仲有好多抵食既餐！之後會encore!💪🏻💪🏻

其實龍城嘢食幾好食，估唔到午餐嘅牛扒都唔錯，60多元一個餐牛扒好腍。我選擇咗薯菜，係有個焗薯仔總括嚟講質素保持到水準，午餐餐餸嘅中式湯好足料，唔覺有味精，個奶茶都係好好飲。總括嚟講午餐抵食。

去茶餐廳最緊要杯熱奶茶☕️😎夠奶夠茶味，合格龍城個menu都算多選擇，凍凍地叫左個海鮮泡飯，都幾多料，蜆超過十幾隻，湯底都唔會過咸，幾有鮮味，飲左大半碗都無口渴下午茶時間有d輕食選擇，就叫多左個黑松露炒蛋多士，黑松露炒蛋份量都唔小，幾滿足，黑松露幾香Tea time坐得舒服，店員態度都幾好（比起一般茶餐廳），一入去已經好大聲打招呼，感覺都幾唔錯宜家新式茶餐廳/乜乜冰室越開越多，抄嚟抄去咁，我嘅要求好簡單，奶茶係真奶茶，檸茶係真檸茶，唔好溝埋d科技飲品

打電話叫外賣，等左一陣到店自取，店員先同我講冇 我話我叫外賣果時你唔講？如果我隔好耐先黎攞甘我食乜 店員話打唔番俾你 一句唔好意思都冇講 而家係咁樣做生意既咩？首先店員射黎射去 一啲責任都冇 之後仲一句唔好意思都冇 後尾咩都冇叫到 亦都唔會再有下一次！

係尖沙咀收工搵地方食晚飯，自己一個人，最快靚正一定係茶記呢間冷室比想像中選擇多好多😯有中餐、西式焗飯、扒餐、台式、川菜都有，真係應有盡有！最後我揀左酸菜魚再加杯港式紅豆冰🍴酸菜魚（下午茶餐）比我想像中大份，魚肉嫩滑，份量都唔小，魚肉唔會太薄，配料方面有大量酸菜、萵筍、蘿白，味道都出色，辣度剛剛好帶點麻既感覺，絕對唔會比專做川菜既餐廳差🧋紅豆冰煮到好軟淋既紅豆配上花奶，好夾！紅豆份量都好，亦唔會太甜，整體味道剛剛好。📍龍城冰室 (尖沙咀)尖沙咀金馬倫道23-25號地舖

平時見龍城冰室好多人排隊，所以今次特登去試吓佢究竟有咩好食首先係佢哋嘅星洲炒米粉，呢碟炒米粉燒得恰到好處，米粉吸收咗咖喱嘅香氣，唔會太辣但又夠味，配料豐富，仲有蝦仁同叉燒，味道鮮美，絕對係一道值得推薦嘅美食。其次係板燒和風嫩牛柳燴飯，啲牛柳煎得恰到好處，肉質鮮嫩多汁，配上和風燴飯，意外咁幾夾。最後係鹽焗雞，佢哋嘅鹽焗雞充滿鹹香，配上特製沙薑汁，帶出雞肉嘅鮮甜另外值得一個提嘅係佢哋每一份嘢食都非常之大份，如果你同我一樣比較細食嘅話，就記得叫佢少飯啦。

龍城冰室 (尖沙咀)尖沙咀金馬倫道23-25號地舖咁啱夜晚行過尖沙咀 次次經過都好多人 入面坐到滿晒 諗唔到食咩就同friend入嚟食叫咗一碟乾炒牛河 同埋酸菜魚配飯 值得一讚嘅係佢哋嘅乾炒牛河 應該係鑊氣好夠 炒出嚟好香！ 酸菜魚就夠大碟 粒粒魚肉！🍽🍽🍽🍽🍽🍽🍽🍽🍽好味程度：🌕🌕🌕🌗🌑抵食 : 🌕🌕🌕🌗🌑環境 : 🌕🌕🌖🌑🌑#香港食评#饮食推介#相机食先#食得是福#民以食为天#餐厅推介#饮食情报#食评#hkfood#foodie#food#foodreview#foodblogger#blogger#instagrams#restaurant

我今日放工後，約同好友去位於尖沙咀金馬倫道23-25號地舖的龍城冰室食晚餐，環境舒適，坐得舒服。人頭湧湧，好熱鬧呀！我和好友點左個晚市鑊氣小菜套餐 2人餐 $159，有自選小菜2款（西蘭花炒龍躉球＋中式牛柳），白飯2碗，明火中式例湯2碗，特飲2杯（懷舊紅豆冰）+18（跟餐）。另外點左個招牌黑椒牛柳配黑椒汁，5成熟配白飯，有多士和凍檸茶。西蘭花炒龍躉球賣相不錯，龍躉球煎得香脆好味，西蘭花青綠鮮甜；中式牛柳的牛肉味濃，好味又好食；中式例湯係老火湯，清甜好飲；5成熟的黑柳牛柳好入味，有咬囗。

D阿姐一直吹水，叫幾次都聽唔到，叫辣椒油唔比反應，ok或好一句都好阿，行去問話講左等陣，但我完全聽唔到！食個早餐沙嗲牛麵食兩口居然見到有麻繩，乜叉胃口都冇埋，即走！最好笑系免左個餐，杯野照收錢，笑左！以後唔會再去

😜時間唔多又要醫肚嘅話🍴冰室多選擇🤤唔錯🥳🧆板燒和風嫩牛柳薯菜：牛柳好嫩滑👍和風味道甜甜地幾開胃👅佢個薯菜好有誠意呀✅係一個好飽滿嘅個焗薯蓉👍正🥳🍲海鮮湯龍躉泡飯：個海鮮湯味道好濃郁👍用嚟做泡飯就啱晒😍配埋新鲜又彈牙嘅龍躉🤤唔錯啵🥳🍹懷舊紅豆冰：今晚好想飲杯紅豆冰🧋佢呢杯紅豆冰好大杯🍯仲有好多紅豆🫘味道唔會好甜✅我覺得唔錯🤤🍷凍檸檬利寶納：正正常常嘅檸檬利賓納✅都OK呀🥳🥪芝士流心西多士：鍾意食芝士朋友仔🧀就要試吓呢個芝士流心西多士🥪即叫即整🔥新鮮整出嚟嘅西多士裏便仲有軟綿綿嘅芝士🧀yummy🥳

星期一晚收工同朋友去咗尖沙咀嘅「龍城冰室」食晚飯！😋😎💃環境開揚又舒適，有卡位，坐得好舒服！😌1. 鐵板西冷牛扒蒜茸汁薯菜（五成熟），外皮煎得香脆！肉質細嫩、口感嫩滑，配上蒜茸汁，非常獨特嘅味道！😋😁呢個餐仲包丹麥多士、中湯、熱飲！只是$118！好抵食呀！😍😬2. 蝦醬通菜炒牛肉鮮魷飯，配紅湯和柚子茶$88，好濃好香嘅蝦醬味，通菜炒得剛剛好，牛肉好軟腍，鮮魷夠新鮮！👍☺️3. 巴拿馬火腿沙律配熱杏霜$68，有新鮮蕃茄、蔬菜🥬，配上少少咸嘅火腿，好好味呀！杏霜唔太甜、啱我呢d健康人仕呀！😬🙈😍龍城冰室：尖沙咀金馬倫道23-25號地舖

推門而入，濃郁咖啡香撲鼻，彷彿置身老香港 ☕️• 招牌酸菜魚$88，下午茶$68，香氣四溢，魚肉鮮嫩，酸爽開胃 🐟• 鐵板牛仔骨$118 滋滋作響，黑椒香濃，薯菜吸足醬汁 🥩• 丹麥多士金黃酥脆，切開滿溢牛油香 🍞• 揚州蝦球炒飯$55 ，粒粒分明，蝦球彈牙鮮甜 🍚• 茄咸牛治$26是街坊至愛，簡單卻回味無窮 🥪• 老闆娘熱情招呼，彷彿多年老友 👵• 牆上泛黃照片，訴說著店家的悠久歷史 🖼️龍城冰室，藏在尖沙咀鬧市中的寧靜一隅。推門而入，彷彿穿越時空，回到了那個充滿人情味的年代。無論你是尋找一份溫暖早餐，還是想品嚐地道港式美食，這裡都不會讓你失望。別被「冰室」二字迷惑，其實係茶餐廳，這裡的熱食同樣出色！來杯奶茶，配上茄咸牛治，細味這座城市的煙火氣息吧。🌆龍城冰室Dragon City Cafe尖沙咀金馬倫道23-25號地舖