曉 (已結業)

☆ 曉銅鑼灣登龍街28號永光中心8樓✦ 燒鱈魚棒脆卜卜，送酒一流！不過我無叫酒XD✦ 串燒• 雞頸肉好滑身，估唔到咁好食。• 白粟米一上枱已經聞到好香甜，食落都一樣咁又香又清甜。• 黑豚腩肉一層肉一層膏，燒到勁香口。• 雞肉香辣汁芝士呢個好好食，肉質好滑，個汁辣辣地配埋芝士100分。欣賞呢到嘅串燒都係即刻燒，每串都勁熱辣辣，好正！✦ 鮟康魚肝完全唔腥，口感好細緻，有d似食緊牛雜入面其中一樣野，大家不如估下係邊樣XD✦ 深海池魚新鮮又剔透，同埋好特別佢跟左個黑松露醬，好少見刺身會咁配黎食，好食嘅不過我個人就覺得就咁點豉油夾d。✦ 串揚• 沙椎魚紫蘇• 日本青椒仔• 雞軟骨丸呢到嘅串揚完全唔厚粉，而且唔油膩，特別鍾意佢個雞軟骨丸，有d似蝦丸再加左雞軟骨咁，彈牙得黎又有d爽口，同埋佢調味帶少少辣辣地，好惹味！✦ 和牛筋大根煮2樣野都煮到好軟淋淋，勁入味，和牛筋食落就係啖啖骨膠原，然後大根又吸晒d精華，好味到癲(๑˃̵ᴗ˂̵)✦ 牛腸鍋 (小盛)好掛住福岡呀！因為牛腸鍋係福岡出名嘅食物，香港就少d食到，湯底好清帶少少辣，配左好多蔬菜，牛腸甚至乎多到食極都食唔完咁XD✦ 益力多味雪糕完完全全就係將益