大隻佬麵家 (已結業)

一直都聽過大隻佬雲吞麵呢個名，以前未幫襯過舊店，到今晚終於試下裝修後的新店。店內裝修幾有特色，果然見到其中一位大隻佬幫我落單到上餐。辣牛筋水餃撈粗麵（$48）牛筋都幾辣，水餃質素一般，因為豉油或蠔油要另外加錢所以冇加到，感覺有點淡口。濃情金莎撈麵加雲吞（$54）濃情金莎原來係炸大地魚，呢款撈麵已經加左豉油所以夠味d，但我稍嫌麵有梘水味，而且雲吞質素同樣一般，食唔到蝦肉彈牙口感。總體黎講，呢度比舊舖好坐左好多，但我覺得店家要留意下食物出品的質素。