大灰熊廚房 (裝修中)

今日同阿女踩單車經過帝景灣，記得呢度有間定小菜既家庭式作業既餐廳味道唔錯，就決定去醫下肚我地叫左滑蛋炒蝦仁(阿女鍾意食)，椒盐豬扒，黄金豆腐粒，咕噜肉，小炒王，仲有粟米羹同豆腐羹食材新鲜好緊要，滑蛋蝦仁D蝦仁大大隻好彈牙，阿女滑蛋撈飯食左大大碗🤭椒盐豬扒唔會太咸，味道剛剛好，最重要D豬扒唔老唔鞋口，好好味阿女另一道好鍾意既就係黄金豆腐粒，外脆內嫩，食過不停咕噜肉酸酸甜甜，十分開胃，最正既佢D肉比外面食既切得大塊D，真係啖啖肉，份量都唔小小炒王用半肥瘦既肉去炒，撈飯特别香😋家常小菜做得好都唔易，如果我住上面，我諗會變成我既飯堂🤣