Notte (已結業)

週三晚賽馬日冇P開，靚女舞友就約XO仔去一家仍在試業中o既私房西餐廳「Notte」度撐枱腳。步入正門，左方先為光猛o既開放式廚房。飯前已可望到師傅個個手穿藍色手套，忙碌地工作，透明度極高。用餐區域以厚厚o既隔音板門間出，當晚分咗o既兩間房其實可以打通為一間大房，隔音之餘，亦隔埋廚房傳出o既油煙味，開私人派對就最適合不過。最意想不到就係私房菜居然有個咁靚o既景，應屬觀賞煙花o既好地點。埋位後，溫婉o既哥哥先送上暖水，實在體貼。餐店有提供幾款酒品配對食物，但因二人飯前已歡樂咗成個幾鐘，飯後又會再去馬場個啤酒園度暢飲，當晚就決定唔溝酒飲。見飲咗半肚啤酒，XO仔就點咗個五道菜晚餐，亦即少咗舊魚。點好菜，好快就有麵包食，當中暖手o既牛角包外脆內鬆軟。據悉，餐前小食o既款式會不定時轉換，當晚o既兩款為蟹肉青瓜及帕馬火腿蜜瓜。蟹肉以沙律醬調味，濕潤清甜。真係冇諗過薄薄o既帕馬火腿拼蜜瓜可以黑松露醬點綴，能突出火腿o既咸香o既同時，效果十分鮮美醒神。Japanese Top Grade Abalone, Japanese Sauce：第一道冷盤日式凍鮑魚一客有兩件厚潤煙韌o既鮑魚，碟邊伴上以紅酒調出之