影片
更多
2017-08-21
348 瀏覽
大熱天時,放假都諗住喺屋企避下暑,但好友話好耐無一齊出去覓食,又誠意拳拳，一於出去出下汗先！去到中環,有好多日本餐廳選擇。唉！就一於電腦選袋去到邊條街就去間啦,跟住行前兩步去到呢楝大厦一望,發現呢度有好多唔同嘅餐廳選擇，當中也有幾間日本菜，於是我地就揀左呢間個名好型位於六樓的日本料理餐廳-浪人一出電梯，職員好有禮貌咁幫帶我地安排座位，餐廳環境較寧靜，感覺舒服。再加上座位之間有塊簾同隔離台隔住 ,私隱度好高 ,呢個設計非常好！餐牌內有廚師發辦、套餐和散點菜式，橫掂都係電腦選,一於就叫個二人套餐啦!三點漬物築地時魚薄切即日日新鮮入貨，每塊都是薄切，比例平均，刀工一流。入口爽滑兼帶有油份，配埋薑蓉醬油更突出池魚鮮味，只有鮮味無腥味，正！京都風豚角煮伴野菜豚肉一層肉、一層脂肪,比例適中，絕無肥膩嘅感覺,非常軟熟,最大獲係入口即溶，邪惡到無朋友另外豚肉上有茶樹菇，味道強烈得嚟又帶點清香味,唔錯!季節刺身盛合有三款刺身，厚切油甘魚刺身口感彈牙，一放落口,啖啖鮮肉,新鮮又有份量,堅正!牡丹蝦 大大隻放入口鮮味即刻湧上嚟,仲有少少粘牙。帆立貝爽滑鮮甜，新鮮得嚟又夠甜！穴子天婦羅佐香脆骨穴子炸到鬆鬆脆脆
一出電梯，職員好有禮貌咁幫帶我地安排座位，餐廳環境較寧靜，感覺舒服。再加上座位之間有塊簾同隔離台隔住 ,私隱度好高 ,呢個設計非常好！餐牌內有廚師發辦、套餐和散點菜式，橫掂都係電腦選,一於就叫個二人套餐啦!
三點漬物
築地時魚薄切
即日日新鮮入貨，每塊都是薄切，比例平均，刀工一流。入口爽滑兼帶有油份，配埋薑蓉醬油更突出池魚鮮味，只有鮮味無腥味，正！
京都風豚角煮伴野菜
豚肉一層肉、一層脂肪,比例適中，絕無肥膩嘅感覺,非常軟熟,最大獲係入口即溶，邪惡到無朋友
另外豚肉上有茶樹菇，味道強烈得嚟又帶點清香味,唔錯!
季節刺身盛合
有三款刺身，厚切油甘魚刺身口感彈牙，一放落口,啖啖鮮肉,新鮮又有份量,堅正!牡丹蝦 大大隻放入口鮮味即刻湧上嚟,仲有少少粘牙。帆立貝爽滑鮮甜，新鮮得嚟又夠甜！
穴子天婦羅佐香脆骨
穴子炸到鬆鬆脆脆，甜甜地嘅魚肉好軟熟，幼軟骨連肉吃，魚骨部分炸得勁香脆，送酒之選!
鹽燒野生呑拿魚魚鮫
燒到啱啱，食落去油甘得嚟又香濃，啖啖肉連肉汁，外脆肉嫩，點埋酸汁即刻變得連胃都開埋，讚！
季節壽司盛合有六件不同的壽司
淨睇賣相已經流哂口水,當中特別讚嘅係拖羅，入口即溶，比例超平均，好好味。金目鯛同黑陸又係驚喜之作,六件都超新鮮,選料真係一流！真係想黎多round,但我地兩個已經有9成飽了。
香菊季節魚清湯
用深海池魚王煮，魚肉口感順滑完全無腥味，豆腐粒好重豆香，飲完之後清甜又舒服。
豆腐慕絲
慕絲，脆麥片呢個組口真係新奇又好味。充滿濃郁豆腐味嘅慕絲。清清淡淡,唔太甜，味道不錯!
靜崗蜜瓜
香甜十足，完美嘅ending！
總結:
以中環區嚟講其實算係好經濟,二人宴價格合理公道，份量適中，食到最後起碼無話飽到要休息一陣嗰種！佢地又逐款逐款上,呢款套餐確實唔錯，餐廳環境寧靜，職員服務態度好又有耐性，今次電腦選袋果然無揀錯。
張貼
