影片
更多
2021-10-10
182 瀏覽
三川居酒屋位於地庫，一個唔覺意行過，真係留意唔到佢嘅存在😂而居然係地庫都可以有咁多捧場客，證明呢間餐廳功力深厚，咁我哋當然要一戰，去試一試佢係龍定蟲喇！和風魚生沙律($98)：新鮮沙律菜嘅爽脆配以柚子醋，味道好好，幾開胃😌再加上切成粒狀嘅魚生和三文魚籽和蟹籽帶嚟嘅咸鮮味道，輕輕中和番柚子醋嘅酸，正！壽司 ：我哋都諗咗一陣，究竟叫魚生拼盤或散叫壽司呢？最後決定散叫，因為可以試多幾款呀嘛！以下幾款係我哋嘅誠意推介：大拖羅($80/件)：本身以為無乜特別，本着試一試嘅心態放落口，點知食落無根，肥美😌 又切得厚，正！左口魚裙邊 (海鹽$22/件；火炙$26/件 )：無論係想品嘗左口魚嘅原汁原味或用火槍迫啲魚油出嚟都好，呢個都好好食，我哋唔建議沾豉油，以免蓋過魚油嘅香味(唔腥㗎，放心🤫)活赤貝 ($62/件)：爽口彈牙！當然無得同omakase比喇。以貝類嚟講，如果唔新鮮，陣味真係冇得呃人(中過伏嘅就應該知我哋講乜🤣)我哋前前後後叫咗9款壽司，有邊款想知食評嘅，留言話俾我哋知喇！串燒 ：活白鱔 ($88/串)：呢個真係不得了，火候啱啱好，外脆內嫩，又肥美，真係要趁熱食🤤可以話係今晚嘅重點推介之一
和風魚生沙律($98)：新鮮沙律菜嘅爽脆配以柚子醋，味道好好，幾開胃😌再加上切成粒狀嘅魚生和三文魚籽和蟹籽帶嚟嘅咸鮮味道，輕輕中和番柚子醋嘅酸，正！
壽司 ：
我哋都諗咗一陣，究竟叫魚生拼盤或散叫壽司呢？最後決定散叫，因為可以試多幾款呀嘛！以下幾款係我哋嘅誠意推介：
大拖羅($80/件)：本身以為無乜特別，本着試一試嘅心態放落口，點知食落無根，肥美😌 又切得厚，正！
左口魚裙邊 (海鹽$22/件；火炙$26/件 )：無論係想品嘗左口魚嘅原汁原味或用火槍迫啲魚油出嚟都好，呢個都好好食，我哋唔建議沾豉油，以免蓋過魚油嘅香味(唔腥㗎，放心🤫)
活赤貝 ($62/件)：爽口彈牙！當然無得同omakase比喇。以貝類嚟講，如果唔新鮮，陣味真係冇得呃人(中過伏嘅就應該知我哋講乜🤣)
我哋前前後後叫咗9款壽司，有邊款想知食評嘅，留言話俾我哋知喇！
串燒 ：
活白鱔 ($88/串)：呢個真係不得了，火候啱啱好，外脆內嫩，又肥美，真係要趁熱食🤤可以話係今晚嘅重點推介之一
厚燒牛舌($68/串)：牛舌夠厚，爽滑彈牙，再加表面嘅黑椒帶嚟嘅香氣，正！
冷麵 ：
五目茶冷麵($98)：食完咁多油膩野，想去食返清淡少少？呢個冷麵幫到你！麵質好好，唔會痴埋一舊，口感同時好彈牙，呑完個口仲有陣陣茶香😂
總結，呢間餐廳唔平，不過而家食材質素和品質嚟講叫交足功課，最正係，佢哋服務好貼心，因為地方淺窄，每一台都有竹簾可以落下，以營造相對私人嘅感覺和氣氛，呢點值得一讚👍🏻
張貼
