蟹點

營業中

休息中

天氣好去海洋公園行下，一家幾口好想食餐大排檔海鮮，鴨脷洲邨《蟹點》 是一個好選擇。地方闊落全部圓枱，三五知己食飯傾計一樂也，大圓枱一家大細有老有嫩歡樂聚餐亦得，餐牌有兩個，泰式師傅煎炒煮炸樣樣齊，越式中菜梗有啱你心意。古法雙冬支竹羊腩煲~中式古法炆羊腩煲好惹味，雙冬即係冬筍及冬菇，其他材料仲有馬蹄、支竹......羊腩味道一流，啖啖肉，黐住羊皮嘅更加肥味，食到咁上下，加入生菜，索滿羊腩汁勁正。白胡椒蟹~招牌菜，來到蟹點梗係食白胡椒蟹，鐵板上，店員幫忙淋上醬汁，渣渣聲熱辣辣香噴噴，胡椒大蟹食到佢嘅辣味，但白胡椒唔會蓋咗蟹嘅香甜味，大蟹蟹肉鮮嫩，味道鮮甜。泰式蝦球炒金邊粉~材料豐富炒得香口，加入櫻花蝦，味道鮮甜，唔算油膩，金邊粉唔係週圍食到炒得咁好。叫咗杯泰式凍奶茶，椰汁紅豆冰，呢度仲有支裝可樂。