38
13
2
等級4
770
0
秋日限定之蟹粉盛宴@上海佬
2014-12-30 4298 瀏覽
秋日限定之蟹粉盛宴早二日同朋友到灣仔杜老誌道的上海佬食飯，佢既位置介乎銅鑼灣與灣仔地鐵站之間，由地鐵站行去都要走１０分鐘左右，坐車會比較方便。佢地位置係Red MR同一棟大廈來，一走進去我還以為行錯路。原來就是在一樓！我原本以為去食上海菜，食中餐既地方味就係去酒樓ＬＯＬ！點知今次真係好令我驚喜！入口用黑色同紅色做主調，型中帶著濃濃的中國風！燈光比較暗，有點像西餐廳既氣氛，可以令人舒適既環境下進食但又唔會感到眼訓（見客一流）！而且又唔會似酒樓咁嘈吵！十分適合傾計！而裝飾都好有心思，我尤其是很喜歡那只小熊！很討人歡喜！ 不時不食！我一心想來食蟹粉盛宴的！但朋友當中有人係蟹有敏感。。。（下）好在原來是二位起計的，最後他們叫了沒有蟹的Tasting Menu，接下來我先介紹我們的蟹粉盛宴！一會兒會再介紹他們的！在等待食物期間我們先品嚐燻蛋，流心的蛋黃滑不溜口，而且煙燻味濃得來又唔咸！勁香蛋味！一下子就滑進喉嚨內！先來六小碟...其實都唔細碟...我地食極都食唔晒 由左至右,上至下鎮江餚肉，一Ｄ都唔肥，你可以配上陳醋一起吃，陳醋把餚肉的肉香帶了出來而且減低油膩感，令人不禁想咬多口！陳醋雲耳，好
更多

秋日限定之蟹粉盛宴
47 瀏覽
0 讚好
0 留言
 早二日同朋友到灣仔杜老誌道的上海佬食飯，佢既位置介乎銅鑼灣與灣仔地鐵站之間，由地鐵站行去都要走１０分鐘左右，坐車會比較方便。佢地位置係Red MR同一棟大廈來，一走進去我還以為行錯路。原來就是在一樓！
57 瀏覽
0 讚好
0 留言
 我原本以為去食上海菜，食中餐既地方味就係去酒樓ＬＯＬ！點知今次真係好令我驚喜！

入口用黑色同紅色做主調，型中帶著濃濃的中國風！燈光比較暗，有點像西餐廳既氣氛，可以令人舒適既環境下進食但又唔會感到眼訓（見客一流）！而且又唔會似酒樓咁嘈吵！十分適合傾計！而裝飾都好有心思，我尤其是很喜歡那只小熊！很討人歡喜！
111 瀏覽
0 讚好
0 留言
 不時不食！我一心想來食蟹粉盛宴的！但朋友當中有人係蟹有敏感。。。（下）好在原來是二位起計的，最後他們叫了沒有蟹的Tasting Menu，接下來我先介紹我們的蟹粉盛宴！一會兒會再介紹他們的！

在等待食物期間我們先品嚐燻蛋，流心的蛋黃滑不溜口，而且煙燻味濃得來又唔咸！勁香蛋味！一下子就滑進喉嚨內！
42 瀏覽
0 讚好
0 留言
 先來六小碟...其實都唔細碟...我地食極都食唔晒
35 瀏覽
0 讚好
0 留言
 由左至右,上至下

鎮江餚肉，一Ｄ都唔肥，你可以配上陳醋一起吃，陳醋把餚肉的肉香帶了出來而且減低油膩感，令人不禁想咬多口！

陳醋雲耳，好爽口！酸酸地口感似沙律！不過我覺得可以再酸一點又或者加入小小辣會更精彩！脆皮素鵝，腐皮包裹 冬菇、甘筍及芹菜等配料，好JUICY!但腐皮卻十分脆口及鬆化。

醉雞，未吃離遠已經可以聞到一點酒味！一食之下不得了，雞件多肉而唔鞋口，連雞皮食都唔覺得肥！食完還想再食！

，我開頭以為係青瓜！佢口感都似青瓜呀！咸咸地咁，好爽口，食多多都唔厭！

食完六小碟，就進入主菜啦！
37 瀏覽
1 讚好
0 留言
 蟹粉粉皮，蟹粉加上本身沒有食味的粉皮，簡直天衣無繨！粉皮中和左濃味既蟹粉，好完美！食到呢到，我有點兒擔心接下來的食物更精彩！因為我的文筆和肚子都應接不暇呢！
32 瀏覽
0 讚好
0 留言
 之後就係流沙金棗啦，金棗外層是杏仁，中間的蟹粉用墨魚膠包著之後一起炸！好香口！墨魚膠彈牙之餘，也不會炸得過火內裡的蟹粉流心除除流出來，好食到暈！ＢＥ　ＣＡＲＥＦＵＬ。。。食果時要小心熱呀！真係超熱超多汁呀！但又唔捨得把它攤凍去食！人就係咁茅盾！
39 瀏覽
0 讚好
0 留言
 黃金白玉，是我最喜歡的一道！白玉即是豆腐，在它上面舖上厚厚的蟹粉。濃味的蟹粉沒有令豆腐失去豆香，反而好ＭＡＴＣＨ！令油油的蟹油變得香而不油膩！豆腐竟然可以變成如此貴氣的食物！我很驚喜！
32 瀏覽
0 讚好
0 留言
 最後一道的主菜是一口蟹粉千層麵，千層麵中間放入蟹粉，是一個好fusion既菜。視覺上和創意上我比第一佢！因為佢既擺放充滿美感！但可能佢外表太靚啦！我對佢有過度既期望！千層麵既味道有點淡！而且好軟，不似傳統的焗千層麵！不過識飲識食既我知道千層麵呢道菜絕不易做！我食過最好食的千層麵只係在意大利啦！其實味道都唔錯既！
28 瀏覽
0 讚好
0 留言
 點心是蟹粉青瓜棒。賣相似春卷！好得意呀！它是由青瓜及蟹肉放在春卷皮中一起炸香，旁邊有蟹粉蘸上青瓜棒同吃。

味道都唔錯！我想像如果用來配多士會更好味呢！

好飽好飽。。。薑茶隨之奉上，不是一杯，而是源源不絕。。。食蟹實在好寒涼，飲番多Ｄ薑茶，對女士身體好有益呀！要讚既係上海佬既服務真係好好，不斷幫我們倒茶，不用自己倒！其實有時我都好怕請客人食中菜的！我不是一個細心既人！有時候為客人添茶，一方面怕待慢了，另一方面又怕不小心倒潟到成個枱面都濕晒！如果見客，把文件倒潟就大獲了！連食既心情都沒有！我更怕遇上飲二啖茶又為我加水的熱情朋友！唉，太煩人了，令朋友不能好好享受一餐！但呢度既侍應會為你添茶，令你可以好好和朋友談心和享受美食！
42 瀏覽
0 讚好
0 留言
 甜品是薑汁奶凍，好香好滑！如果薑汁再濃一點就更好啦！

等我再補上朋友的ＴＡＳＴＩＮＧ　ＭＥＮＵ精華。。。我決心下次再來試過！
36 瀏覽
0 讚好
0 留言
 四小碟
45 瀏覽
0 讚好
0 留言
 上海佬鍋巴，呢個我都有食，十分香口濃味！尤其是鍋巴，夠脆！
28 瀏覽
0 讚好
0 留言
 梅子骨
30 瀏覽
0 讚好
0 留言
 賽旁蟹
32 瀏覽
0 讚好
0 留言
 芝麻湯圓

完美既一餐就結束啦！人人都捧住個大肚腩和愉快既心情離開啦！
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2013-09-06
    用餐途徑
    堂食
    人均消費
    $400 (晚餐)
    推介美食
    • 上海佬鍋巴
    • 梅子骨
    • 蟹粉青瓜棒
    • 黃金白玉
    • 香烏荀