山

營業中

休息中

又到食蟹嘅季節啦！今次去到YAMA食蟹omakase 品嘗到美味鮮甜嘅日本蟹另外仲有唔同主題嘅omakase 例如：和牛、魚、黑豚、雞、海の幸各具特色今次我食係『蟹』- $1388/位🔸毛蟹柚子啫哩蟹肉鮮甜，柚子啫哩清香酸甜，令鮮味更突出。🔸雲丹明太子白海老宮城縣海膽creamy、富山灣白蝦淡雅軟滑、魚子醬咸鮮，三種鮮味，一同享受。.🔸蟹出汁以昆布、梳子蟹殼做湯底，加上松葉蟹肉，味道清甜、溫暖。🔸刺身三點帶子、深海池魚、白牡丹蝦，好新鮮嘅刺身！帶子又厚又甜，牡丹蝦好爽口！🔸釀上海鮮盖有梳子蟹、甘筍、香菇、洋蔥，再加麵包康去炸，好香口。玻璃蟹肉芡汁好鮮味。🔸紅桑子雪芭以酸甜清新又好味嘅雪芭做箸休，清一清口腔嘅味道。🔸燒鱈埸蟹伴雲丹鱘魚子雪場蟹蟹腳用禾稈草煙燻過，香氣撲鼻。加上一大份北海道海膽、咸鮮鱘魚子，好滿足❤️！🔸特濃蟹粉拌烏冬超香濃嘅大閘蟹蟹膏，拌埋蟹肉一齊食，好香醇，膏味好濃郁，哩款我喜歡！🔸香印提子雪糕拿破崙香印提子好香、好甜，拿玻倫好脆，中間係益力多雪糕，加埋Sake 啫喱，甜中帶清香。