聚一醉火鍋小館 (已結業)

曾經，紅磡崇潔街係美食既集中地，每晚人龍車龍都無停過0係呢度搵野食。但慢慢，大家開始忘記左呢條美食街。呢一日，朋友邀約我地去紅磡打邊爐，我地先憶起呢條充滿美食既小街。而呢一晚都無令我地失望，雖然人流大減，但美食依舊。火鍋店位於小街既角落，並唔係十分起眼。但店內好闊落好舒適，原來都係新開，所以裝修好新淨企理。睇睇餐牌，價格不高，比合理更合理。水滾喇！水滾之時，亦係驚喜美食之旅既開始。第一樣上台既竟然係炸嚮玲，姐姐非常hardsell地推介呢個item，係佢地自己即炸既，當然要即刻一試。平時其實我麻麻地嚮玲，因為太油膩。但氣氛推駛下即管食一舊，一食就不得了！原來即炸既嚮玲係好好食架！少少脆又好香口，食到啖啖腐竹味，又無多餘既油份。除左朋友們激讚，唔好嚮玲既我，今晚都食左兩件。另一個驚喜就係手切肥牛。我地開頭仲糾結緊要大牛還是細牛，一上台疑慮一掃而空，原來細牛已經好大碟。牛肉肥瘦均勻，油花分佈好平均，未入口已經想像到會好好味。入口一試，亦係理所當然的牛肉味香濃，嫩滑多汁。呢個墨魚滑拼蝦滑，係我見過最有誠意既。大廚竟然會兩種唔同顏色既食材，拼出太極符號，可見佢好樂意照顧埋食客既視覺，十分專業。