影片
更多
2014-11-27
1025 瀏覽
之前都寫過唔少東海堂嘅cake little系列，好多時家人或朋友生日，而人數唔多嘅話，都幾鍾意買個細細哋嘅蛋糕慶祝吓，cake little個份量就啱啱好，適合4-5人食 。今晚由小弟下廚煮餐飯俾屋企人食，買餸時就順道落去港鐵嘅東海堂，買個蛋糕仔，既作飯後甜品，亦作老婆嘅生日蛋糕。「秋の梨に恋心」系列其實喺東海堂載譽歸來嘅出品，當中有秋梨の恋蛋糕（分1.5lb及cake little）、秋の梨卷、秋の梨慕絲杯及蜜糖吉士撻。因為以前聽唔少朋友讚過個秋梨の恋蛋糕好食，又屬期間限定，所以，秋風起，就一於食件「梨」 。雖然已經入秋，哈哈，仲喺用緊「真夏の果實」嘅包裝盒 。 秋梨の恋cake little $138 蛋糕面鋪滿火焰梨片，雖然賣相普普通通，但細心留意嘅話，每片洋梨肉厚薄如一，而且，非常纖薄，肉質柔軟，清甜多汁；蛋糕內包滿著柔滑嘅忌廉芝士慕絲，以海綿蛋糕做底，海綿蛋糕下竟仲有一朕白朱古力薄片，中間有一層混有梨肉粒嘅焦糖忌廉，味道多變而和諧，感覺濃甜細膩，最緊要喺啱家人口味，所以，佢哋都讚個蛋糕好食 ！之前一日去咗Fiat Caffé食晏幫老婆慶祝生日，今晚再親自落廚
「秋の梨に恋心」系列其實喺東海堂載譽歸來嘅出品，當中有秋梨の恋蛋糕（分1.5lb及cake little）、秋の梨卷、秋の梨慕絲杯及蜜糖吉士撻。因為以前聽唔少朋友讚過個秋梨の恋蛋糕好食，又屬期間限定，所以，秋風起，就一於食件「梨」 。
雖然已經入秋，哈哈，仲喺用緊「真夏の果實」嘅包裝盒 。
秋梨の恋cake little $138 蛋糕面鋪滿火焰梨片，雖然賣相普普通通，但細心留意嘅話，每片洋梨肉厚薄如一，而且，非常纖薄，肉質柔軟，清甜多汁；蛋糕內包滿著柔滑嘅忌廉芝士慕絲，以海綿蛋糕做底，海綿蛋糕下竟仲有一朕白朱古力薄片，中間有一層混有梨肉粒嘅焦糖忌廉，味道多變而和諧，感覺濃甜細膩，最緊要喺啱家人口味，所以，佢哋都讚個蛋糕好食 ！
之前一日去咗Fiat Caffé食晏幫老婆慶祝生日，今晚再親自落廚煮番餐俾屋企人食，飯後甜品又有好味嘅秋梨の恋蛋糕，相信佢都對今個生日安排收貨啩！
其實依啲慶祝嘢都喺好濕碎，轉眼就過，人生漫長，互相扶持走到終老先喺重要 。
張貼
