Wake Up

營業中

休息中

科學園Wake Up，主打西式料理，假日午市套餐包括是日餐湯、手工麵包、飲品，仲可以優惠價加配小食及甜品。是日餐湯係南瓜湯，打得綿密，濃稠適中，仲有個靚拉花，配上烘得熱辣辣既手工麵包，最佳組合。Wake Up All Day Breakfast：擺盤非常吸引，包括3.6北海道牛乳炒蛋配黑松露、鮮果乳酪杯、煙三文魚、煙肉、烤香腸、薯餅、車厘茄藜麥田園沙律、迷你牛角包，份量十足。鹽煎比目魚柳伴明太子海膽醬手製扁意粉：比目魚柳煎得恰到好處，魚肉鮮甜，扁意粉索滿明太子和海膽醬汁，順滑creamy。菠蘿梳打：菠蘿味道清爽，帶來冰涼口感。牛油果乳酪：新鮮牛油果加上微酸乳酪，味道清新。總結，餐廳環境舒服，食物新鮮好味，出餐快，員工服務殷勤，我和朋友渡過左一個悠閒既下午。