泰式金邊粉專門店 (已結業)

今日去北角上堂（又係儲CPD時間)，於是約左附近返工的朋友仔食飯聚舊。地頭蟲帶我去bar, 喂，大哥！日光日白就飲野會唔會太嘆？！原來呢間bar日頭係做泰菜！坐bar食飯ok!梳化位傾偈係一流嘅！我叫左泰式撈粉，大哥叫湯粉。隨意加點炸物小食。上枱了，即炸雞脾，墨魚餅好好味喎！即炸熱騰騰的上枱，好新鮮，墨魚餅鬆軟多汁，很有驚喜！雞脾味道一流，生炸的就是食得出唔同！肉嫩多汁！另外，我的撈粉超大碗，配上甘荀絲、芽菜、大量香茜香葱，配埋秘製醬汁，酸酸甜甜。唔錯。總括，呢間餐廳位置少少隱秘，但坐得舒舒服服，食物亦可口。值得再黎！