泰東

營業中

休息中

呢間舖一啲都唔起眼，平時踩單車落去元朗都係直衝落斜路完全唔會留意到有呢間餐廳，突然間有個鄰居話呢度有煲仔飯好好食，就約埋一齊過嚟食。19:00入到去都唔係好多人，點知隔咗一陣已經爆場。都幾正，一次過可以滿足晒兩個願望煲仔飯同埋泰菜。先嚟咗個炭燒豬頸肉，真係燒烤嘅感覺。炭火味香濃，唔會太乾，點埋個汁食好食到震。海南雞叫咗個例牌，正常發揮都滑㗎。椰菜苗就覺得佢大棵咗少少，但係都好食嘅有鑊氣。另外去呢度啲炸嘢都唔錯，個春卷都係新鮮熱辣食到熱氣㗎感覺。好煲仔飯到啦，淋完豉油都係繼續焗佢。蝦乾唔會太鹹，另外排骨都有醃過。比起早幾個星期喺大埔食嗰個煲仔飯真係好好多。食到八八九九，有少少唔夠喉就嗌多咗個炸皮蛋，都係有熱氣嘅感覺再加一點彈呀，最正係佢握得夠實，炸完出嚟都唔會皮蛋同蝦膠分離，呢餐真係好滿足。