影片
更多
2019-12-12
194 瀏覽
耐唔耐會同男朋友上深圳食嘢行街，依家深圳有好多新型商場，入邊好多有唔同種類嘅特色餐廳。上年上去食過一次好出名嘅烤魚店，成日回味，都想喺香港食下烤魚，終於經朋友介紹，去左呢一間位於尖沙咀嘅烏蠅館。最近天氣凍凍地，好適合食熱辣辣嘅烤魚火鍋。我哋大概8:30上到餐廳，當時都坐左客人食緊烤魚，仲有人飲啤酒，傾計，慶祝生日。環境光猛舒服好乾淨嘅感覺。坐低後，店員就好熱誠咁同我地講解下唔同烤魚嘅種類。叫我地早啲嗌左魚先，然後先慢慢揀其他火鍋食材，咁就唔使等咁耐。烤魚分三款，三個價錢。最平嘅$228嘅多寶魚，店員話呢款魚最滑，但係比較細條同埋多骨。其次就係$288嘅三刀魚，呢款魚就最多人嗌，因為佢夠大條而且冇咁多骨。然後最貴嘅就係$388嘅龍躉魚。我哋就點左中價嘅三刀魚。味道方面，我哋唔食得太辣，店員建議就叫招牌香辣烤魚，辣度可以揀最少辣。每款魚都會配有三種時令嘅伴菜。等咗大概10分鐘烤魚就嚟啦！我哋重點左一碟肥牛同埋手工餃。條魚好大條，側邊仲配有木耳，瓜同埋海帶。店員同我地講，條魚已經熟咗㗎啦，可以即刻食，配菜就可以食咗魚先慢慢再食。之後再叫店員嚟落海鮮湯打邊爐。烤魚有滿滿嘅秘製醬汁同油炮製着，放
依家深圳有好多新型商場，
入邊好多有唔同種類嘅特色餐廳。
上年上去食過一次好出名嘅烤魚店，
成日回味，都想喺香港食下烤魚，
終於經朋友介紹，
去左呢一間位於尖沙咀嘅烏蠅館。
最近天氣凍凍地，
好適合食熱辣辣嘅烤魚火鍋。
我哋大概8:30上到餐廳，
當時都坐左客人食緊烤魚，
仲有人飲啤酒，傾計，慶祝生日。
環境光猛舒服好乾淨嘅感覺。
坐低後，店員就好熱誠咁
同我地講解下唔同烤魚嘅種類。
叫我地早啲嗌左魚先，
然後先慢慢揀其他火鍋食材，
咁就唔使等咁耐。
烤魚分三款，三個價錢。
最平嘅$228嘅多寶魚，
店員話呢款魚最滑，但係比較細條同埋多骨。
其次就係$288嘅三刀魚，
呢款魚就最多人嗌，
因為佢夠大條而且冇咁多骨。
然後最貴嘅就係$388嘅龍躉魚。
我哋就點左中價嘅三刀魚。
味道方面，我哋唔食得太辣，
店員建議就叫招牌香辣烤魚，
辣度可以揀最少辣。
每款魚都會配有三種時令嘅伴菜。
三刀魚烤魚
$288
7 瀏覽
0 讚好
0 留言
等咗大概10分鐘烤魚就嚟啦！
我哋重點左一碟肥牛同埋手工餃。
條魚好大條，側邊仲配有木耳，瓜同埋海帶。
店員同我地講，條魚已經熟咗㗎啦，
可以即刻食，配菜就可以食咗魚先慢慢再食。
之後再叫店員嚟落海鮮湯打邊爐。
烤魚有滿滿嘅秘製醬汁同油炮製着，
放喺Gas爐上邊慢慢滾熱。
我哋食咗第一啖嘅魚同埋醬汁覺得非常香濃！
蒜香唔係平時食到嘅平凡味道，
我哋問店員，店員話係廚師精心配方炮製，
旁邊嘅木耳同埋蔬菜都吸收晒醬汁嘅味道，
食唔停口。
然後店員見到我哋食晒條魚之後，
佢幫我地加咗海鮮湯入去烤魚鍋入邊。
手工西洋菜餃子（一碟八隻）
$68
3 瀏覽
0 讚好
0 留言
我哋放咗西洋菜手工餃入去，
一碟有八粒，脹卜卜太吸引，
令我地食咗先記得影相😆
店員話水餃已經熟咗，
放入爐大概1分鐘就食得。
西洋菜嘅味好濃郁，
餃皮用咗雲吞面嘅雲吞皮，好薄好滑。
雪花肥牛
$128
8 瀏覽
0 讚好
0 留言
打邊爐梗係唔少得肥牛啦！
我哋叫咗一碟肥牛，一碟份量都好多啊！
每一卷牛肉都有兩至三片。
雖然我哋淨係叫咗兩款食材，
但係配埋烤魚，
我哋覺得兩個人食已經夠晒飽啦。
肥牛肥瘦平均，吸收埋烤魚嘅香蒜醬好配搭。
秘製醬汁
10 瀏覽
0 讚好
0 留言
中途我哋問店員，
可唔可以比啲醬汁我哋點牛肉，
店員即刻問廚房炒一碟香蒜醬俾我哋，
好有心思，好有熱誠同埋好有禮貌，
令我哋食得非常開心。
整體來講係非常好嘅用餐體驗，
唔使上大陸都食到好正宗好有特色嘅烤魚啦!
張貼
