艾粒是叻 (已結業)

呢間小店開左好耐，但身為北區人，一次都未食過😅。聽聞燒賣關注組有推介呢度嘅秘醬燒賣，今次路經就買盒試下😏。小店有秘醬同椒鹽兩款口味，不過大家都推秘醬味 $24/13粒小店好認真，用錫紙盒包好哂，打開果陣香氣噴鼻，滿滿嘅醬汁!!🙊 老實講，佢嘅燒賣真係唔特別，唔係彈牙、亦無乜豬肉香、不過又未到好粉好淋，齋食燒賣會失望架!! 🙉好彩佢個秘醬挽回唔少分，由大量蒜蓉、蔥頭等香料調配而成，差D將食剩嘅汁都拎番屋企😂小店都有生炸雞髀(唔記得$32定$34)、炸物等小食，但我地已經食過正餐同另一間餐廳嘅生炸雞髀，加上打算去小時候食雞蛋仔，所以呢度只點左燒賣。