影片
更多
2022-11-28
1720 瀏覽
荔枝角都算近我，所以，間唔時都有過嚟食吓飯，食完行返屋企都仲可以嘛。而且，有咗D2 Place，搵食嘅選擇又多咗好多，就好似今晚同位死佬嚟到「Eris's Kitchen」咁，喺第一次到訪，貪其環境舒服。其實，之前嚟過好幾次D2 Place，都無為意呢一家餐廳，一直只以為喺個室內哥爾夫球場。呢度喺餐廳「Eris's Kitchen」跟室內哥爾夫球場「Golfzon」聯乘，所以，當踏進餐廳，就會見到一邊喺室內哥爾夫球場，另一邊就喺用餐區。四周都喺闊落舒服嘅梳化椅，就算唔食飯，飲吓嘢都爽。而且，一室燈光柔和，加上枱上嘅小擺設，予人有種悠閒感。餐飲方面，主打就喺晚市套餐，初時睇落好貴，原來喺買一送一，咁又唔同睇法。3道菜晚餐包餐湯或沙律、主菜、甜品，不過，要留意，部份食物要額外加錢加配。牛油果西柚沙律 前菜方面，我哋不約而同揀咗沙律，簡單嘅雜沙律菜做底，再加上大量牛油果，少少西柚肉、薄薄嘅青瓜片、脆口嘅麵包粒，淋上油醋，酸香清爽，最正喺啲牛油果熟到透，西柚肉爽甜爆汁無澀味，簡單好食。 麵包籃配合前菜，仲送上麵包籃，有啲蒜蓉包同甜包，前者烘得外皮香脆，包心軟熟，仲好有蒜香味；後者就鬆軟帶少少甜
呢度喺餐廳「Eris's Kitchen」跟室內哥爾夫球場「Golfzon」聯乘，所以，當踏進餐廳，就會見到一邊喺室內哥爾夫球場，另一邊就喺用餐區。
四周都喺闊落舒服嘅梳化椅，就算唔食飯，飲吓嘢都爽。而且，一室燈光柔和，加上枱上嘅小擺設，予人有種悠閒感。
餐飲方面，主打就喺晚市套餐，初時睇落好貴，原來喺買一送一，咁又唔同睇法。3道菜晚餐包餐湯或沙律、主菜、甜品，不過，要留意，部份食物要額外加錢加配。
牛油果西柚沙律 前菜方面，我哋不約而同揀咗沙律，簡單嘅雜沙律菜做底，再加上大量牛油果，少少西柚肉、薄薄嘅青瓜片、脆口嘅麵包粒，淋上油醋，酸香清爽，最正喺啲牛油果熟到透，西柚肉爽甜爆汁無澀味，簡單好食。
麵包籃配合前菜，仲送上麵包籃，有啲蒜蓉包同甜包，前者烘得外皮香脆，包心軟熟，仲好有蒜香味；後者就鬆軟帶少少甜味，配點牛油就好好食，而最緊要喺嚟到時喺熱烘烘，感覺自然好唔同。
白酒煮西班牙青口 +$98法國青口食過，比利時青口都食過，西班牙呢？印象中好似未。一碟嘅份量真唔少，擺滿一整碟，仲刻意排列過；而啲青口質素真喺唔錯，有別平時食到平價嗰啲咁好「擦膠」嘅口感，細隻啲，但真喺嫩口且有鮮甜味，加上有啲煙肉引出嘅鹹香，個白酒汁亦好味，有牛油及香草香，搵啲麵包沾個汁嚟食，正呀。
白酒煮西班牙青口
6 瀏覽
0 讚好
0 留言
同死佬都算喺食肉獸嚟，所以，兩道主菜都喺肉，一齊共享。先登場喺羊鞍，一客兩件，伴菜有燒薯仔及法邊豆，每一件好夠份量，外層就沾滿香草及麵包糠，賣相靚仔，而裡面燒得啱啱好，色澤粉嫩卻無半滴血水滲出，落刀一切，非常軟腍，沾上燒汁，認真好食，有羊肉嘅獨特香味，卻唔太羶。
香草燒羊鞍配迷迭香燒汁
6 瀏覽
0 讚好
0 留言
輕煎美國頂級西冷配特濃紅酒汁 +$150溫馨提示，想享受呢一道西冷，喺需額外加錢，睇落真喺好唔錯，抵西冷表面燒到一層焦香，最好喺已經將整件西冷切成小件，方便竹我哋共享，而且，仲伴有大量薯條、扒蔬菜，有心思，非常豐富。西冷肉質嫩滑，富肉汁，並較具油香，正呀；薯條脆而不膩，扒蕃茄酸香鮮活，烤蒜亦好好食。
輕煎美國頂級西冷配特濃紅酒汁
5 瀏覽
0 讚好
0 留言
法式焦糖燉蛋兩道主菜後，就喺甜品時間，兩款都喺喜愛嘅甜品款式。先試個焦糖燉蛋，加上少少雜莓做裝飾，自不然靚好多，面層嘅焦糖又薄又脆，而下面嘅燉蛋好嫩滑，甚具蛋香，有水準。
法式焦糖燉蛋
2 瀏覽
0 讚好
0 留言
心太軟就好考功夫，烘焗嘅時間拿捏準繩好重要，眼前嘅心太軟賣相唔錯，伴以雜莓及曲奇雪糕。切開睇睇，雖然，流心嘅效果唔澎湃，但依然很軟心，朱古力味超濃郁，跟雪糕入口，冰火交融，爽呀喂！
水果花茶 +$30早餐飲咗杯咖啡，午餐亦喺，再飲超標，所以，健康少少飲花茶。一大壺花茶，前前後後沖咗3泡，最尾一泡都無話太淡。味道幾清幽，帶少少果香，加上今晚食肉唔少，確喺幾有種清清油膩感。
整晚嘅招呼好唔錯，店員又好有禮，食完繼續慢慢坐，傾吓偈，皆因坐得夠晒舒服，氣氛又唔錯。最後，多口一問，食嘢會唔會有打波優惠，喺無嘅，餐廳同室內哥爾夫喺各自獨立經營，哈哈，我都喺好奇而已，小弟本身唔多好哥爾夫球。
張貼
