Accro Coffee (已搬遷) 新店位置

估唔到元朗有間咁特別嘅咖啡店。仲要係街市後面,車房中間，真係好唔起眼。我哋喺大街幾經辛苦，行咗半個鐘先搵到。本來都有興趣試吓佢杯世界第一得獎咖啡，但因為行到又熱又攰，已經冇呢個心情... 唯有等下一次啦！ 但係其實喺西鐵站行過去唔使10分鐘路。下次我識㗎喇..... 揀咗一杯搖冰咖啡 Shakerato , 行到又熱又攰，飲呢杯正好。咖啡冰冰涼涼，配上微酸嘅味道，帶點清新果香。$37真係抵飲！ 朋友叫左呢杯 Affogato , 濃縮咖啡加雪糕， 雪糕好香濃。不過我唔鐘意飲甜嘅咖啡，個人覺得過甜。芝士蛋糕都好濃滑。