影片
更多
2024-06-27
54 瀏覽
今晚終於嚟咗朋友介紹嘅究極堂居酒屋。佢嘅魚生創作料理非常之吸睛同美味。今日都叫咗幾度佢哋嘅推介食物。🔝究極丼用上自己招牌嘅名做魚生坊就知道一定唔會差得去邊。配了有兩隻牡丹蝦、海膽、三文魚子、蟹膏、帶子、三文魚、火炙鰈魚裙邊 、鯛魚。全部都係貴價材料。仲有佢加埋落去嘅醬油漬蛋黃同埋紫菜醬，真係超級好味。但係都係賣緊$218相當超值。🈵究極炎の丼另一款都係用咗自己招牌做名嘅究極炎の丼，就係火炙版本。呢個仲抵食，只係$138。雖然冇海膽、三文魚子呢啲材料。但係火炙嘅碟魚、帶子海蝦都好惹味。加埋蟹膏同埋一啲炸蒜粒係另外一個風味，完全唔似一個魚生丼。💯究極海鮮杯另外呢一個海鮮杯就係必食，上邊有金箔、黑魚子、三文魚子、拖羅蓉、蟹肉，下面居然係蜜柑啫喱，一鹹一甜，咁原來個配搭又幾OK啵。海膽右口魚邊蝦卷另外仲叫咗個創作壽司，炙燒嘅右口魚，上邊有海膽下邊係炸蝦卷。一啖咬落去又有炸蝦味又有海膽味仲有右口魚嘅油香。果然係推介之選。其實佢哋炮台山分店都幾好坐，多人仲可以訂位有VIP房添。下次都可以約埋大班朋友嚟食嘢飲酒。
今晚終於嚟咗朋友介紹嘅究極堂居酒屋。佢嘅魚生創作料理非常之吸睛同美味。今日都叫咗幾度佢哋嘅推介食物。
🔝究極丼
用上自己招牌嘅名做魚生坊就知道一定唔會差得去邊。配了有兩隻牡丹蝦、海膽、三文魚子、蟹膏、帶子、三文魚、火炙鰈魚裙邊 、鯛魚。全部都係貴價材料。仲有佢加埋落去嘅醬油漬蛋黃同埋紫菜醬，真係超級好味。但係都係賣緊$218相當超值。
🈵究極炎の丼
另一款都係用咗自己招牌做名嘅究極炎の丼，就係火炙版本。呢個仲抵食，只係$138。雖然冇海膽、三文魚子呢啲材料。但係火炙嘅碟魚、帶子海蝦都好惹味。加埋蟹膏同埋一啲炸蒜粒係另外一個風味，完全唔似一個魚生丼。
💯究極海鮮杯
另外呢一個海鮮杯就係必食，上邊有金箔、黑魚子、三文魚子、拖羅蓉、蟹肉，下面居然係蜜柑啫喱，一鹹一甜，咁原來個配搭又幾OK啵。
海膽右口魚邊蝦卷
另外仲叫咗個創作壽司，炙燒嘅右口魚，上邊有海膽下邊係炸蝦卷。一啖咬落去又有炸蝦味又有海膽味仲有右口魚嘅油香。果然係推介之選。
其實佢哋炮台山分店都幾好坐，多人仲可以訂位有VIP房添。下次都可以約埋大班朋友嚟食嘢飲酒。
張貼
