半熟工房 (金馬倫道) (已結業)

早熟見個個面書同IG都放依間半熟工房既蛋撻，當然我都黎試下啦。原味半熟芝士撻 - 熱辣辣即買即食既蛋撻又點會唔好食呢。不過老實講又無傳說一樣咁大驚喜，本身芝士味並唔算好濃，但都夠味。而質感方面，滿期待以為可以好似拉麵果啲半熟流心蛋或流心奶黃包果種質感，但最後都係燉蛋感覺。而蛋撻皮就鬆脆好食。綠茶半熟芝士撻 - 反而綠茶依個比較有驚喜，單靠佢隻綠色配蛋撻已經係一種突破。綠茶味夠晒濃厚，甚至有少少過龍，濃到有少少苦，不過呢吃得苦中苦方為人上人丫嗎！