孖啡

營業中

休息中

今晚黎到呢間上樓Cafe 玩下Game，食晚飯吹水，一入到餐廳就覺得空間感夠同座位幾寬敞，Boardgame攞係門口附近，選擇都好多，唔會怕悶。鮮茄芝士焗豬扒飯豬扒幾juicy，幾淋，唔會乾身，醬汁酸甜度適中，面頭芝士都幾多，個飯做到粒粒分明。煙三文魚意大利烘飽配薯條好中意個包烘得夠脆身，配上柔軟身煙三文魚、青瓜、沙律菜同沙律醬食，估唔到幾夾。跟餐包$38的飲品，揀左青蘋果綠茶同蜜桃紅茶。水牛城雞翼一共有六隻，個水牛城汁少少辣，好惹味。跟餐加$42叫左牛角窩夫伴雪糕，冰凍的雲呢拿雪糕配以熱辣辣又脆口的牛角窩夫食，無得輸。好耐冇上呢啲Cafe邊玩Board 邊食，呢度唔錯，多Game，啲職員又Nice。