影片
更多
2023-07-11
39 瀏覽
香港地方咁細，好耐都無見過一間環境咁正既日式餐廳😍 如果大家想瞬間穿越日本~非常推薦大家黎「悅火」感受一下氣氛🎌 除左裝修充滿特色之外，食物同服務態度都好有水準，性價比又高，已經想約定朋友黎encore喇！由樓梯行落去就會見到餐廳分為兩邊：廚師發辦區﹑爐端燒區，空間感十足。鍾意私隱度既更加可以坐榻榻米包廂~ 餐廳裝得充滿日本風情🎏 爐端燒吧枱前放滿新鮮日本食材，又可以近距離欣賞師傅準備食物，賞心悅目😍 值得一讚既係師傅會用備長炭即席燒製，由於成本高昂，較少餐廳會用炭燒，可見餐廳十分講究！餐廳新張期間推出超值優惠❗️單點可享全單8️⃣5️⃣折及送𝟑𝟎𝟎𝐦𝐥 𝐒𝐚𝐩𝐩𝐨𝐫𝐨生啤一杯。仲有超值限定$𝟑𝟗𝟖爐端燒/$𝟒𝟗𝟖廚師發辦套餐，每日限量各20份咋，有興趣既朋友記得提早訂位😆單點料理餐牌選擇豐富，由海鮮﹑肉類﹑蔬菜燒物都應有盡有！黑板上仲有時令海鮮同刺身添~ 咁新鮮絕對唔可以錯過！♢ 🦀北海道鱈場蟹腳 $268即席炭燒，簡直係視覺x味覺雙重享受😌 蟹肉新鮮爽甜，蟹腳同蟹鉗都啖啖肉！值得一讚係師傅已預先破好殼，食用更加方便。♢ 🇯🇵燒日本帆立貝 $128超巨型帆立貝，火候控制得剛好，保持爽滑口感。最
由樓梯行落去就會見到餐廳分為兩邊：廚師發辦區﹑爐端燒區，空間感十足。鍾意私隱度既更加可以坐榻榻米包廂~ 餐廳裝得充滿日本風情🎏 爐端燒吧枱前放滿新鮮日本食材，又可以近距離欣賞師傅準備食物，賞心悅目😍 值得一讚既係師傅會用備長炭即席燒製，由於成本高昂，較少餐廳會用炭燒，可見餐廳十分講究！
餐廳新張期間推出超值優惠❗️單點可享全單8️⃣5️⃣折及送𝟑𝟎𝟎𝐦𝐥 𝐒𝐚𝐩𝐩𝐨𝐫𝐨生啤一杯。仲有超值限定$𝟑𝟗𝟖爐端燒/$𝟒𝟗𝟖廚師發辦套餐，每日限量各20份咋，有興趣既朋友記得提早訂位😆
單點料理
餐牌選擇豐富，由海鮮﹑肉類﹑蔬菜燒物都應有盡有！黑板上仲有時令海鮮同刺身添~ 咁新鮮絕對唔可以錯過！
♢ 🦀北海道鱈場蟹腳 $268
即席炭燒，簡直係視覺x味覺雙重享受😌 蟹肉新鮮爽甜，蟹腳同蟹鉗都啖啖肉！值得一讚係師傅已預先破好殼，食用更加方便。
♢ 🇯🇵燒日本帆立貝 $128
超巨型帆立貝，火候控制得剛好，保持爽滑口感。最正係d湯汁充滿鮮味，啖啖都係精華🤤
♢ 🦞大蒜龍蝦串 $128
師傅已起好哂龍蝦肉，以牛油﹑黑椒﹑七味粉炙燒，充滿香氣！龍蝦夠新鮮，爽口彈牙，每啖都令人驚嘆！超好食🌟
♢ 🎣蒜香香草海螺 $58
海螺好新鮮，粒粒都爽口彈牙，有咀嚼感，充滿油香同香草味，好正！
🔥 1️⃣2️⃣品爐端燒 $𝟑𝟗𝟖/位
♢ 沙律 ‧ 生菜新鮮爽脆，配上醋汁酸甜醒胃。
♢ 天婦羅 ‧ 有日本青椒仔﹑馬頭魚海膽天婦羅，炸得金黃酥脆。鮮甜魚肉加上海膽，口感豐富😍
♢ 燒物八品 ‧ 師傅燒好以木板端上，好有正宗日本風味！燒物有白鱔、牛舌、牛小排、黑毛豬五花、雞腿肉、日本蕃薯仔﹑車厘茄同秋葵。炭燒過後風味十足🔥 簡單用鹽同七味粉調味後已經令人回味無窮~ 另外仲配有海鹽﹑玫瑰鹽同辣椒醬。
♢ 明太子茶漬飯 ‧ 淡淡茶香飄逸，配上明太子﹑芥末增添辛辣口感。米飯亦熬至軟腍口感，十分暖胃。
♢ 開心果雪糕 ‧ 味道好香，仲有少少nuts既口感，滋味滿足😋
🍣 1️⃣6️⃣品廚師發辦 $𝟒𝟗𝟖/位
♢ 沙律 ‧ 生菜新鮮爽脆，配上醋汁酸甜醒胃。
♢ 岩手縣生蠔 ‧ 肥美飽滿，肉質結實，甘甜餘韻十足，令人回味~
♢ 天婦羅 ‧ 有日本青椒仔﹑馬頭魚海膽天婦羅，炸得金黃酥脆。鮮甜魚肉加上海膽，口感豐富。
♢ 汁煮油甘魚餃 ‧ 魚肉煮得好軟腍，油香豐富，秘製醬汁超香，忍唔住飲埋湯汁！
♢ 刺身三品 ‧ 擺盤精緻，有真鯛海膽卷、鮮帶子配赤貝、炙燒伊佐木。最驚喜係師傅用真鯛捲住海膽，味道鮮甜，入口有層次感👍🏻 鮮帶子配赤貝同樣新鮮，以日本蒓菜作醬汁，口感酸甜，清新開胃。伊佐木帶有炙燒香氣，鮮甜彈牙，好出色！
♢ 壽司六品 ‧ 每件壽司都係靚料😍 有北海道馬糞海膽﹑油甘魚、伊佐木﹑金目鯛、間白魚﹑中拖羅，全部食材都好新鮮！炙燒過後逼出魚油香氣，每件都高質！
♢ 吸物 ‧ 當日係豆腐魚湯，味道鮮甜，散發淡淡魚香。
♢ 冷麵烏冬 ‧ 烏冬入口冰涼，滑溜彈牙，消暑一流！
♢ 開心果雪糕 ‧ 味道好香，仲有少少nuts既口感，滋味滿足😋
另外訂座註明慶祝生日，仲有一件蛋糕仔送架~ 仲可以寫埋祝福字句添，細心服務值得加分！
張貼
