河內越式料理

營業中

休息中

河內越式料理有幾間分店，太子同尖沙咀都分別幫襯過，今次開左係油麻地，真係好方便啊！食物款式選擇好多而且質素都不錯，下午茶亦十分優惠，亦不需加一服務費，性價比高！今次Order左想食好耐既順化蕃茄蟹肉扎肉湯檬，上菜速度都好快，另外仲跟埋辣椒同青檸，可以隨自己喜好調味，檬既份量好多，真係多到食唔晒，下次要叫佢少檬粉先得，每一啖蕃茄湯底都充滿住濃郁既蟹肉同蝦味，整體黎講都十分出色，難怪隔離幾枱都嗌依碗！跟餐仲追加左香茅豬扒，豬扒煎到幾香口，香茅味道都出，好惹味！椰青好清甜，飲完仲可以刮埋d椰子似食，超級推薦！