心。泰 (已結業)

與老友聚舊，原先book了位的餐廳，已經轉了手，唯有另覓地方。由於星期五好旺場，安排我o地最入的位置，雖然自成一角，但燈光好黑，連menu差點睇不見。大蝦柚子沙律-泰式沙律汁好惹味，而柚子是一件件，不足碎濕濕的。椒鹽軟殼蟹-炸粉不算厚，炸得又熱又脆。冬陰功-味道唔夠香濃，除了唔夠辣外，還缺少了香茅的香味，始終傳統式的泰國菜館做得較好。白咖哩羊扒-羊扒頗羶，但我可以接受。而所謂的白咖哩，我覺得味道似白汁多D。咖哩海鮮南瓜盅-可能有南瓜關係，咖哩汁味香甜。泰式火鍋-要了喇沙湯底，我覺這個湯底，味道勝過冬陰功。雖然鍋細細，但材了不少，有牛肉、冬菇、蘿蔔、娃娃菜、玻璃粉等等。而玻璃粉口感特別，夠爽滑。另叫一客薄餅來點咖哩，薄餅雖然熱辣辣，外層夠脆，但內裡是腍，似是燒得不夠熟透，感覺是未完全發起的麵粉。始終是集團式經營，味道當然不及地道的泰國菜。