寬巷子 (已結業)

之前朋友帶過我嚟食午餐，覺得幾好食所以再嚟過。最近肺炎肆虐，餐廳都注重清潔，所以入去餐廳之前，職員都有用酒精噴霧幫我地清潔雙手。我哋除低口罩準備食嘢嘅時候，職員都有問我地有冇多一個備用，可以提供俾我哋，非常貼心。上一次黎都差唔多一年前，所以個Menu都有轉左。叫左個牛魔王濃湯麵，貪佢可以一次過試哂所有牛部位，結果都無令我失望，值過下次再黎過。牛坑腩同崩沙腩好淋身唔會黐牙，而牛肚就好爽口，牛筋好有質感，再配以濃湯，簡直絕配。另外叫咗一個鮑魚魷魚蒜湯配飯。佢好似成個set咁，有燉蛋同埋有好多配菜。燉蛋非常之滑， 個湯好足料，入邊仲有三舊鮑魚，另外個湯都好入味。