大灰熊廚房 (裝修中)

今日將軍澳附近放工，醒起之前朋友介紹一間喺佢屋苑嘅私房菜，於是就去咗食個晚飯，叫咗個湯，兩碟小菜，店家仲送咗一個甜品俾我哋，係一間窩心的小店🥰椒鹽脆豆腐👍🏻水準出衆，椒鹽味洽到好處，不會太濃，外脆內嫩，一舊接一舊真係食到無停口😋千島蝦球賣相吸引，蝦球千島醬食落非常開胃，仲有沙律菜，連埋蝦球一起吃，非常夾。粟米豆腐羮經典港式湯羹，太耐無吃，味道唔錯，豆腐好滑，稀杰適中，唔會太甜，啱晒想食得健康嘅人士。馬來咖哩牛腩好多汁，牛腩又多！如果撈汁送飯應該吃到兩碗飯🤣荔芋西米露😍今日咁岩有甜品送！芋頭口感夠綿，糖水不會太甜🥰店舖位置雖然唔係好易搵，喺天晉商場隔離有一個帝景灣商場，餐廳就喺帝景灣商場一樓，唔識路可以問吓啲街坊！