影片
更多
2024-09-04
790 瀏覽
呢日放假又同老婆大人去食佢最鍾意嘅日本拉麵！因為佢收到風拉麵店嘅得獎冠軍大師嚟咗香港，仲出咗兩款佢心心眼嘅新口味拉麵，正所謂happy wife happy life我當然舉腳贊成去食啦。立体派個門口喺威靈頓街元益大廈，去到大廈路口要行落地庫先見到，如果大家想去食呢個位要留意吓如果唔係好易錯失個入口㗎。好鍾意餐廳會俾埋即棄圍裙！我鍾意著白色衫但係食嘢又勁論盡，呢件圍裙簡直係不可多得之物。食拉麵配可樂真係冇得輸！老婆大人而家唔鍾意飲甜嘢，所以就叫咗支玄米茶，鹹魚白菜各有所愛。淨係食碗拉麵驚唔夠飽我哋仲叫咗啲小食！呢個係日式煎餃子個底煎得幾香脆入面有汁唔會乾柴，點埋個有少少辣嘅餃子汁幾好味㗎。老婆大人知我鍾意食香口嘢！所以叫咗明太子雞翼俾我食。雞翼夠香脆唔會油淋淋上面加咗明太子，鹹香嘅味道多咗啲特色唔會淨係炸雞咁悶蛋。呢位就係日本飛嚟香港嘅冠軍拉麵大師林隆臣！佢喺度整緊兩款新嘅拉麵俾我哋，我梗係唔蝕底幫佢影返幾張沙龍啦，全程睇住佢點整呢兩碗拉麵真係好細緻，邊睇邊流口水個肚仲開始怪叫添。搞掂食碗麵返埋位慢慢嘆。呢碗就係老婆大人最想食嘅貝鹽檸檬冷麵！拉麵有勁多新鮮檸檬片除咗睇落好靚之外應該會帶
立体派個門口喺威靈頓街元益大廈，去到大廈路口要行落地庫先見到，如果大家想去食呢個位要留意吓如果唔係好易錯失個入口㗎。
好鍾意餐廳會俾埋即棄圍裙！我鍾意著白色衫但係食嘢又勁論盡，呢件圍裙簡直係不可多得之物。
食拉麵配可樂真係冇得輸！老婆大人而家唔鍾意飲甜嘢，所以就叫咗支玄米茶，鹹魚白菜各有所愛。
淨係食碗拉麵驚唔夠飽我哋仲叫咗啲小食！呢個係日式煎餃子個底煎得幾香脆入面有汁唔會乾柴，點埋個有少少辣嘅餃子汁幾好味㗎。
老婆大人知我鍾意食香口嘢！所以叫咗明太子雞翼俾我食。
雞翼夠香脆唔會油淋淋上面加咗明太子，鹹香嘅味道多咗啲特色唔會淨係炸雞咁悶蛋。
呢位就係日本飛嚟香港嘅冠軍拉麵大師林隆臣！佢喺度整緊兩款新嘅拉麵俾我哋，我梗係唔蝕底幫佢影返幾張沙龍啦，全程睇住佢點整呢兩碗拉麵真係好細緻，邊睇邊流口水個肚仲開始怪叫添。
搞掂食碗麵返埋位慢慢嘆。
呢碗就係老婆大人最想食嘅貝鹽檸檬冷麵！拉麵有勁多新鮮檸檬片除咗睇落好靚之外應該會帶出好清新嘅味道。
未撈勻啲餸之前梗係要飲啖湯先啦！飲落去有啲蜆嘅鮮味加埋檸檬嘅酸香真係好清新，將啲炸洋蔥同埋大根蓉撈勻嚟食就多咗啲甘香甜味，拉麵入面仲有半熟北海道十勝豚肉叉燒，整得又軟又嫩食得好舒服，最驚喜係個拉麵口感好彈牙成碗麵食得好開心。
然後呢碗色彩好繽紛嘅係溫泉蛋番茄醬油拉麵！呢碗麵好多配料好似有粟米芯、蘆筍、溫泉蛋、北海道十勝豚肉叉燒同埋16個月風乾西班牙生火腿，日本拉麵配西班牙火腿又幾有特色喎！食落去鹹鹹香香咁好惹味。
拉麵除咗有黑胡椒、羅勒碎同埋意蕃茜調味之外仲會跟一碟三色醬！入面有芝士醬、辣醬同埋麻辣醬，兩個辣醬就交俾老婆大人發落，我就試咗個芝士醬加埋咁鬼濃郁嘅番茄湯個味好夾幾唔錯呀。
鍾意食蛋嘅我就覺得呢隻糖心溫泉蛋有畫龍點睛嘅效果！令到拉麵食落口特別香滑仲要多咗啲蛋香，如果鍾意食番茄湯呢碗嘅味道絕對係吸引，呢兩款拉麵而家每日下晝兩點後就有得食㗎啦。
張貼
