五嫂石磨腸粉

營業中

休息中

在雜誌睇過這間腸粉店的介紹，所以專登搵個閒日同老公一齊來試下。去到的時候人唔多，前面只有兩個人等緊。我們揀左叉燒腸和雞蛋瘦肉腸。落完單，職員俾了個號碼牌給我們等叫號碼。我們一邊等，一邊睇住個師傅蒸腸粉，都幾有趣。等了10分鐘左右，終於有得食。叉燒腸，純粹係想揀個無咁易中伏的口味來試下。腸粉的確幾有米香，中間夾雜少少叉燒粒和蔥粒，味道正正常常👌🏼反而雞蛋瘦肉腸比較有驚喜，原來在腸粉入面加雞蛋，味道係咁特別。有米香、有雞蛋香，食落的口感和味道都唔錯。順帶一提個腸粉汁，其實腸粉本身無咩味道，所以都很靠腸粉汁來提味。腸粉汁貌似豉油，但其實唔係好咸，所以就算落晒成包浸住腸粉都無問題，咁樣反而仲好味。但最希望店家可以唔好用發泡膠盒來裝食物。無論即場食定外賣，都係一份腸粉一個發泡膠盒...現在的垃圾桶堆都滿是發泡膠盒，睇見個心有點唔舒服。