Metal Steak (已結業)

metal steak聞名已久，襯自己仲未洗哂份糧，一於黎朝聖一下！說是立食，但其實是有位坐的。沒辦法，店員說係為左迎合返香港人，只好設有座位。我管他的，好食就好！ 鋪面並唔突出，但同時俾人少少神秘既感覺。 呢度既選擇唔算多，每個種類都係根據返重量黎計你塊扒幾錢。揀好左，廚師哥哥就會即場切好磅埋俾你睇，再即刻燒。成個過都可看在眼裡！ 由於好想睇佢點燒我塊靚扒，於是小學生般企係度望住佢燒著火嗰刻好震撼，同時可見師傅功架了得，不消幾分鐘我塊扒就可上鐵板了！好期待呢塊係朋友嗌既A4和牛肉眼扒，三成熟。肉眼好淋，入口即融，肉汁係岩岩燒既過程中鎖住係扒入面，所以一啲都唔乾，呢塊成300g既肉眼就活生生被我地食左落肚，一點不剩了哈哈 我嗌的則是同樣的西冷，相比起肉眼，西冷牛味更濃，雖不是入口即融，但脂肪同肉既分佈好合理，望落好似好肥，其實不然，食落只有一個感覺，幸福肥啲都抵！今餐雖不便宜，但係香港食到呢個質素既牛扒，夫復何求！