影片
更多
2021-12-15
255 瀏覽
立食文化響日本其實係非常普遍，好多時響JR車站附近總會見到間立食店 (飯類﹑麵類都有)，目標就係俾打工仔可以響早餐﹑午餐或者晚餐都可以響廚師最快速度烹調﹑並以最快速度享用美味既菜式。立鮨響立食壽司當中都算係好早期發起呢個文化既餐廳，到今時今日響繁忙時間仍然會有捧場客需要排隊等候。不過今日平日時間而小編與老公早到下，就可以即時進入。店內其實立食既位置唔會太多，但重點都係用餐範圍會圍繞住正在努力製作壽司既師傅；而立食其中既特色，就係如果師傅響空閒期間既話都會捉你傾下計﹑吹下水，務求響等候用餐期間令你分散下注意力，從而令你隻腳無咁攰。響電話落單既方式下，小編最被吸引既，就係佢既大滿足海膽特盛 (迷你)，難得見到海膽既份量比例咁高既情況下，點都會想試下先。而小編其後與老公都點了特選三文魚盛合﹑以及嚴選火灸盛合：大滿足海膽特盛 (迷你) ($99)：話明大滿足而特盛既海膽，原因就係佢用上大約5份既海膽份量，配以迷你尺寸既碗仔去放入已醃製既壽司飯，令你食個陣口腔內基本上都被海膽味所包圍。海膽非常新鮮，既唔覺有出水，而唔會有腥味，同時又唔會因為驚保質問題而過份雪藏既雪氣，所以真係令小編與老公既味覺得
立鮨響立食壽司當中都算係好早期發起呢個文化既餐廳，到今時今日響繁忙時間仍然會有捧場客需要排隊等候。不過今日平日時間而小編與老公早到下，就可以即時進入。
店內其實立食既位置唔會太多，但重點都係用餐範圍會圍繞住正在努力製作壽司既師傅；而立食其中既特色，就係如果師傅響空閒期間既話都會捉你傾下計﹑吹下水，務求響等候用餐期間令你分散下注意力，從而令你隻腳無咁攰。
響電話落單既方式下，小編最被吸引既，就係佢既大滿足海膽特盛 (迷你)，難得見到海膽既份量比例咁高既情況下，點都會想試下先。而小編其後與老公都點了特選三文魚盛合﹑以及嚴選火灸盛合：
大滿足海膽特盛 (迷你) ($99)：話明大滿足而特盛既海膽，原因就係佢用上大約5份既海膽份量，配以迷你尺寸既碗仔去放入已醃製既壽司飯，令你食個陣口腔內基本上都被海膽味所包圍。海膽非常新鮮，既唔覺有出水，而唔會有腥味，同時又唔會因為驚保質問題而過份雪藏既雪氣，所以真係令小編與老公既味覺得到大滿足。
廚師將兩款盛合合併上枱，不過都好在可以響前面及後面分辨到不同既盛合去作出介紹吧。
特選三文魚盛合 ($60)：三文魚壽司﹑三文魚腩壽司﹑火灸三文魚壽司﹑三文魚小卷﹑辣三文魚軍艦
雖然唔可以話三文魚係以厚切方式去製作，不過肉質上都唔錯而唔會切到散開 - 尤其魚腩位置油脂味都唔少，對小編老公比較喜歡魚油味既會特別喜愛。特別要提及辣三文魚軍艦當中既三文魚應該浸於辣既食材一段時間，所以辣度非常足夠，如果比較怕辣既女仕就要小心了。
嚴選火灸盛合 ($112)：火灸三文魚壽司﹑火灸北海道帶子壽司﹑火灸左口魚邊壽司﹑火灸中吞拿魚腩壽司﹑火灸松葉蟹腳壽司
幾款火灸壽司都偏向燒得徹底既，味道上會比新鮮食材既感覺會無咁有本身食材既香味，但總體黎講都唔錯，尤其中吞拿魚壽司食落去都算有即溶魚油脂既感覺。總體黎講，整餐晚飯既價錢同平時響出面迴轉壽司店差唔多，所以就好視乎你希望立食而令你進食既速度加快，還是坐低慢慢食但食物質素上會有限制吧。
張貼
