影片
更多
2021-09-07
467 瀏覽
北角和富中心自從進行大翻新之後，開咗好多新餐廳，而且整體定位亦都吸引咗好多👍。呢晚就同朋友去咗居酒屋「竜王」食飯，餐廳位置喺正當眼位，好易搵。「竜」其實即係「龍」嘅日本漢字，我哋一步入餐廳就已經見到牆畫有大大條龍🐲，非常霸氣。呢度好似一個四四方方嘅玻璃屋，裝修幾骨子。門面格局令到我覺得佢定價好似會好貴咁🙈，但實際上又唔係喎。餐牌大大本，圖文並茂，設計有花上心思。題外話，白熊筷子托好可愛🐻❄️。竜王卷($108)，招牌菜以招牌器皿裝住超吸睛🐉，卷物一客有八件，每件都有好多餡料，包括吞拿魚蓉、三文魚籽同埋天婦羅炸蝦🍤。紫菜包飯一啲都唔鬆散，壽司飯用上赤醋，所以飯粒深色啲，但酸度適中，並唔會過份黐笠笠。火炙左口魚邊壽司($28/件)以及火炙三文魚壽司($18/件)，🍣壽司價錢中等，魚生經炙燒後將啲油脂逼哂出嚟，特別係左口魚邊，浸魚油香味真係好正。🔥火炙效果平均，並冇加芝士燒，更能品嚐原汁原味。蟹籽沙律($68)，佢絕對係久違嘅味道，好經典嘅日式前菜，不過好耐無食呢。🥗沙律好足料，有大量蟹柳絲同蟹籽，但略嫌個汁酸咗少少。宮崎產煙燻黑豚配蜜糖芥末($78)，呢個黑豚料理好正🐷。佢並唔係一般豬腩，
北角和富中心自從進行大翻新之後，開咗好多新餐廳，而且整體定位亦都吸引咗好多👍。呢晚就同朋友去咗居酒屋「竜王」食飯，餐廳位置喺正當眼位，好易搵。
「竜」其實即係「龍」嘅日本漢字，我哋一步入餐廳就已經見到牆畫有大大條龍🐲，非常霸氣。呢度好似一個四四方方嘅玻璃屋，裝修幾骨子。
門面格局令到我覺得佢定價好似會好貴咁🙈，但實際上又唔係喎。餐牌大大本，圖文並茂，設計有花上心思。題外話，白熊筷子托好可愛🐻❄️。
竜王卷
$108
6 瀏覽
0 讚好
0 留言
竜王卷($108)，招牌菜以招牌器皿裝住超吸睛🐉，卷物一客有八件，每件都有好多餡料，包括吞拿魚蓉、三文魚籽同埋天婦羅炸蝦🍤。紫菜包飯一啲都唔鬆散，壽司飯用上赤醋，所以飯粒深色啲，但酸度適中，並唔會過份黐笠笠。
火炙左口魚邊壽司
$28
6 瀏覽
0 讚好
0 留言
蟹籽沙律($68)，佢絕對係久違嘅味道，好經典嘅日式前菜，不過好耐無食呢。🥗沙律好足料，有大量蟹柳絲同蟹籽，但略嫌個汁酸咗少少。
宮崎產煙燻黑豚配蜜糖芥末
$78
12 瀏覽
0 讚好
0 留言
日本海膽流心忌廉餅($68)，可樂餅新鮮熱辣炸起🍘，外皮非常酥脆，配以吉列豬扒醬食，非常搭調。忌廉餅流心效果一流，但我以為橙黃色嘅汁係芝士，老實講海膽味就唔太覺，哈哈。伴旁有少量沙律菜，可以食埋唔好嘥。
總括嚟講，呢間居酒屋唔錯🏮，食物同環境都幾好，用餐期間店員亦不斷為我哋添茶🍵。我認為佢嘅質素好過唔少開喺銅鑼灣或尖沙咀嘅日本餐廳，行開附近嘅不妨試吓啊。最後，我上載埋餐廳嘅完整餐牌以供參考～。
張貼
