御品軒 (已結業)

睇到之前食友嘅食評，有少少動搖小弟試菜嘅信心。但無論如何，一件崩沙腩及一碗雙皮奶足可令我放膽一試...跟太太去到，人山人海。小店好明顯有擺過心思落去裝修...餐牌都唔使望，崩沙腩魚餃麵加雙皮奶...魚餃皮相當煙韌，豬肉餡食落幾實淨，唔係"散修修"；崩沙腩炆得軟糯，橫隔膜部份夠"膠口"，食落亦有質感..最大敗筆係用上普通車仔油麵而唔係用銀絲細麵，當堂扣分..雙皮奶食落有濃濃奶味(雖然唔多肯定係唔係水牛乳)，並不太杰，表面亦有薄薄兩層奶皮，做得不錯...比義順好吃得多...可以encore...