真‧章魚無雙

營業中

休息中

聽講呢間章魚燒非常出名 而且口味眾多所以決定買黎試下 佢有六粒同百粒咁樣買因為我哋掃街嘅關係 所以決定買六粒先佢嘅好處係可以雙拼😋 可以滿足我哋呢啲選擇困難嘅人咁我同朋友就一人帶咗一隻味 佢嗌咗松葉蟹膏味🦀 而我就叫做黑松露味🍄一樣都係即叫即做 所以等咗大約10分鐘先百佢啱啱整好，熱辣辣 一拎上手已經聞到嗰陣麵粉嘅香味🤤 佢章魚丸大細適中 而且入邊會有一至兩粒章魚 整體嚟講唔會感覺好粉冇乜料 而且有醬汁嘅加乘 令到成粒章魚丸嘅海鮮味好重😍唯一要挑剔嘅係 佢醬汁偏鹹 而且醬汁非常多如果怕太鹹嘅朋友 可能要撥一撥開啲汁先食